Версія для друку:
+
Карцінкі
Друк

Навіны Беларусі

Мерапрыемствы высокага ўзроўню да 10-годдзя "Усходняга партнёрства" плануецца правесці восенню ў Мінску

Палітыка 04.06.2019 | 13:59

4 чэрвеня, Мінск /Аліна Грышкевіч - БЕЛТА/. Афіцыйныя мерапрыемствы высокага ўзроўню з нагоды 10-годдзя "Усходняга партнёрства" плануецца правесці ў Мінску восенню. Аб гэтым паведаміў міністр замежных спраў Беларусі Уладзімір Макей сёння на экспертнай нарадзе "10 гадоў "Усходняму партнёрству": вынікі і перспектывы", перадае карэспандэнт БЕЛТА.

"Восенню бягучага года мы з калегамі з Еўрапейскай службы знешніх дзеянняў плануем правесці ў Мінску афіцыйныя мерапрыемствы высокага ўзроўню з нагоды 10-годдзя "Усходняга партнёрства". А ў перспектыве спадзяёмся прыняць у сябе і чарговы саміт "Усходняга партнёрства", - сказаў Уладзімір Макей.

Міністр лічыць, што даўно пара распаўсюдзіць практыку правядзення сустрэч на вышэйшым узроўні на краіны - суседкі ЕС. "Гэта трэба хаця б для таго, каб у гэтай частцы Еўропы "Усходняе партнёрства" перастала быць нейкім незразумелым, а тое і насцярожваючым паняццем. І Мінск мог бы стаць для гэтага вельмі камфортнай пляцоўкай як скрыжаванне інтэграцыйных праектаў і транспартных шляхоў, астравок стабільнасці са свежым вопытам правядзення буйных міжнародных форумаў", - адзначыў кіраўнік МЗС Беларусі.-0-

Вы можаце знайсці гэту старонку па наступным адрасе:
https://blr.belta.by/politics/view/merapryemstvy-vysokaga-uzrounju-da-10-goddzja-ushodnjaga-partnerstva-planuetstsa-pravestsi-vosennju-u-78610-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА