Версія для друку:
+
Карцінкі
Друк

Навіны Беларусі

Стаўка рэфінансавання з 14 жніўня зніжаецца да 9,5 працэнта

Эканоміка 14.08.2019 | 09:25
Фота з архіва
Фота з архіва

14 жніўня, Мінск /Кар. БЕЛТА/. Стаўка рэфінансавання з 14 жніўня зніжаецца з 10 да 9,5 працэнта гадавых, стаўка па крэдыце авернайт - з 11,5 да 10,75 працэнта гадавых, стаўка па дэпазіце авернайт - з 8,5 да 8,25 працэнта гадавых, паведамляе БЕЛТА.

У другім квартале інтэнсіўнасць інфляцыйных працэсаў запаволілася. Ацэнка прыросту спажывецкіх цэн з выключэннем сезоннасці за другі квартал паказвае яго зніжэнне ніжэй за мэтавы ўзровень 5 працэнтаў (на працягу папярэдніх трох кварталаў прырост быў вышэйшы за гэты параметр).

"Прынятыя рашэнні ў галіне працэнтнай палітыкі забяспечваюць захаванне яе нейтральнага характару ва ўмовах прагназуемага запаволення інфляцыйных працэсаў і дасягненне пастаўленай мэты па інфляцыі на 2019 год", - адзначылі ў Нацбанку.

Зніжэнне ставак па крэдыце авернайт і дэпазіце авернайт забяспечыць звужэнне калідора працэнтных ставак па інструментах рэгулявання ліквіднасці банкаў і будзе садзейнічаць павышэнню эфектыўнасці трансмісійнага механізма грашова-крэдытнай палітыкі.

Далейшыя рашэнні ў галіне ключавых працэнтных ставак Нацыянальнага банка будуць залежаць ад суадносін паміж інфляцыйнымі і дэфляцыйнымі фактарамі.

Наступнае пасяджэнне праўлення Нацыянальнага банка па грашова-крэдытнай палітыцы запланавана на 6 лістапада.-0-

Вы можаце знайсці гэту старонку па наступным адрасе:
https://blr.belta.by/economics/view/stauka-refinansavannja-z-14-zhniunja-znizhaetstsa-da-95-pratsenta-80478-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА