Версія для друку:
+
Карцінкі
Друк

Навіны Беларусі

Канферэнцыя "Экспарт у ЕС" будзе прысвечана нафтахімічнай галіне

Эканоміка 18.04.2019 | 15:34
Фота з архівы
Фота з архівы

18 красавіка, Мінск /Кар. БЕЛТА/. Штогадовая галіновая канферэнцыя, прысвечаная экспарту ў ЕС, пройдзе 23 красавіка, паведамілі БЕЛТА ў прэс-службе Нацыянальнага цэнтра маркетынгу МЗС Беларусі.

У гэтым годзе ў цэнтры ўвагі будуць пытанні беларускай нафтахімічнай галіны. "Прадукцыя прадпрыемстваў канцэрна "Белнафтахім" займае ключавое месца ў экспарце ў краіны Еўрасаюза. Мэта канферэнцыі - выяўленне асноўных праблем нарошчвання экспарту ў ЕС аб'ёмаў нафтахімічнай прадукцыі і вызначэнне шляхоў іх вырашэння", - расказалі ў прэс-службе.

На канферэнцыі будзе праведзены аналіз структуры беларускага экспарту нафтахімічнай галіны ў ЕС, вызначана роля тарыфных і нетарыфных бар'ераў. Плануецца таксама выпрацаваць комплекс мер, якія разам з арганізацыяй новых канкурэнтаздольных вытворчасцей дадуць магчымасць у сярэднетэрміновай перспектыве забяспечыць стабільную пастаўку ў ЕС нафтапрадуктаў, што экспартуюцца з Беларусі.

У канферэнцыі прымуць удзел Надзвычайны і Паўнамоцны Пасол, прадстаўнік Пастаяннага прадстаўніцтва Беларусі пры ЕС Аляксандр Міхневіч, кіраўніцтва прадпрыемстваў канцэрна "Белнафтахім", Банка развіцця Рэспублікі Беларусь, буйных кансалтынгавых кампаній.

Мерапрыемства праводзіцца па ініцыятыве Пастаяннага прадстаўніцтва Беларусі пры ЕС. Арганізатар - Нацыянальны цэнтр маркетынгу МЗС Беларусі.-0-

Вы можаце знайсці гэту старонку па наступным адрасе:
https://blr.belta.by/economics/view/kanferentsyja-ekspart-u-es-budze-prysvechana-naftahimichnaj-galine-77469-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА