Версія для друку:
+
Карцінкі
Друк

Навіны Беларусі

Інфляцыя ў Беларусі ў 2018 годзе склала 5,6 працэнта

Эканоміка 11.01.2019 | 17:35

11 студзеня, Мінск /Кар. БЕЛТА/. Індэкс спажывецкіх цэн на тавары і паслугі ў снежні 2018 года ў параўнанні з лістападам 2018-га склаў 100,8 працэнта, са снежнем 2017 года - 105,6 працэнта, паведамілі БЕЛТА ў Нацыянальным статыстычным камітэце.

Мэтавы параметр па інфляцыі на 2018 год - не больш як 6 працэнтаў.

Базавы індэкс спажывецкіх цэн, які выключае змяненне цэн на асобныя тавары і паслугі, схільныя да ўплыву фактараў адміністрацыйнага і сезоннага характару, у снежні 2018 года ў параўнанні з лістападам 2018-га склаў 100,3 працэнта, са снежнем 2017-га - 104,8 працэнта.

Харчовыя тавары ў снежні падаражэлі на 1,2 працэнта ў параўнанні з лістападам 2018 года і на 5,7 працэнта ў параўнанні са снежнем 2017 года. Цэны на нехарчовыя тавары знізіліся на 0,1 працэнта ў параўнанні з лістападам 2018 года і выраслі на 3,8 працэнта ў параўнанні са снежнем 2017-га.

Індэкс спажывецкіх цэн на паслугі ў снежні склаў 101,2 працэнта да лістапада 2018 года і 108,1 працэнта да снежня 2017-га.-0-

Вы можаце знайсці гэту старонку па наступным адрасе:
https://blr.belta.by/economics/view/infljatsyja-u-belarusi-u-2018-godze-sklala-56-pratsenta-74933-2019/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА