Версія для друку:
+
Карцінкі
Друк

Навіны Беларусі

Эксперты Беларусі і Польшчы абмяркуюць у Мінску 30 мая збор і перапрацоўку адходаў

Эканоміка 24.05.2019 | 12:56
Фота з архіва
Фота з архіва

24 мая, Мінск /Кар. БЕЛТА/. Беларуска-польскі семінар па арганізацыі збору адходаў вытворчасці і спажывання, іх перапрацоўкі і выкарыстання пройдзе ў Мінску 30 мая, паведамілі БЕЛТА ў Нацыянальным цэнтры маркетынгу Міністэрства замежных спраў.

На мерапрыемстве выступяць як беларускія, так і замежныя эксперты, прадстаўнікі профільных міністэрстваў дзвюх краін, а таксама дзелавых колаў. Будзе прадстаўлена Нацыянальная стратэгія абыходжання з адходамі і другаснымі матэрыяльнымі рэсурсамі, тэхналогіі для забеспячэння экалагічнай бяспекі краіны, а таксама польскі вопыт у гэтай сферы.

Эксперты разгледзяць магчымыя напрамкі двухбаковага супрацоўніцтва і рэалізацыі інвестыцыйных праектаў. Пройдуць перагаворы ў фармаце B2B ("бізнес для бізнесу").

Суарганізатарамі семінара выступаюць пасольства Польшчы ў Беларусі і асацыяцыя "Белэкарэсурсы". Мерапрыемства адбудзецца таксама пры садзейнічанні дэпартамента эканамічнага супрацоўніцтва Міністэрства замежных спраў Польшчы, Міністэрства прыродных рэсурсаў і аховы навакольнага асяроддзя Беларусі, Нацыянальнага фонду аховы навакольнага асяроддзя і воднай гаспадаркі Польшчы і міжнароднай юрыдычнай кампаніі "Арцынгер і партнёры".-0-

Вы можаце знайсці гэту старонку па наступным адрасе:
https://blr.belta.by/economics/view/eksperty-belarusi-i-polshchy-abmjarkujuts-u-minsku-30-maja-zbor-i-perapratsouku-adhodau-78342-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА