Версія для друку:
+
Карцінкі
Друк

Навіны Беларусі
Апошнія навіны
Усе навіны

Беларуска-расійская рабочая група пачала фарміраванне парадку дня будучых перагавораў

Эканоміка 10.01.2019 | 15:32

10 студзеня, Мінск /Кар. БЕЛТА/. Беларуска-расійская міжурадавая рабочая група пачала фарміраванне парадку дня будучых перагавораў для далейшай выпрацоўкі прапаноў па вырашэнні пытанняў у двухбаковых адносінах. Аб гэтым паведаміў сёння журналістам міністр эканомікі Дзмітрый Крутой па выніках нарады ў кіраўніка дзяржавы, перадае карэспандэнт БЕЛТА.

"Улічваючы "канікулы" ў Расійскай Федэрацыі, сумесная рабочая група пакуль не збіралася ў шырокім складзе. З боку Расіі і з нашага боку на сённяшні дзень сфарміраваны толькі склады гэтых рабочых груп. Эксперты па адпаведных напрамках фарміруюць парадак дня будучых перагавораў, праводзіцца аналіз усёй дагаворнай базы Саюзнай дзяржавы, Еўразійскага эканамічнага саюза", - расказаў Дзмітрый Крутой.

Ён дадаў, што пакуль толькі ідзе экспертная адпрацоўка ўсіх праблемных пытанняў, якія трэба будзе абмяркоўваць у будучым, дата першага пасяджэння рабочай групы яшчэ не вызначана. Ключавой тэмай перагавораў стане фінансава-эканамічны парадак дня.

"Гэта група - чарговы шанц вырашыць усе шматгадовыя праблемы, - адзначыў міністр. - Улічваючы, што ў рамках нашых інтэграцыйных утварэнняў паспрабаваны ўжо самыя розныя фарматы, рэжым рабочых і экспертных груп зарэкамендаваў сябе як адзін з найлепшых. Можа, у такім фармаце гэта група будзе працаваць больш плённа, чым папярэднія".-0-

Версія для друку
Навіны рубрыкі Эканоміка
Вы можаце знайсці гэту старонку па наступным адрасе:
https://blr.belta.by/economics/view/belaruska-rasijskaja-rabochaja-grupa-pachala-farmiravanne-paradku-dnja-buduchyh-peragavorau-74891-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА