Версія для друку:
+
Карцінкі
Друк
Навіны Беларусі

Вынікі конкурсу "Лепшая кнігарня" аб'явяць на выстаўцы кніг у Мінску

Культура 12.02.2018 | 16:21

12 лютага, Мінск /Кар. БЕЛТА/. Вынікі рэспубліканскага конкурсу "Лепшая кнігарня" аб'явяць на XXV Мінскай міжнароднай кніжнай выстаўцы-кірмашы, якая пройдзе з 28 лютага па 4 сакавіка, паведамілі карэспандэнту БЕЛТА ў Міністэрстве інфармацыі.

Удзельнікі ацэньваюцца ў асноўных, спецыяльных і персанальных намінацыях.

Сярод асноўных намінацый: "Лепшая кнігарня Рэспублікі Беларусь", "Лепшая кнігарня г. Мінска", "Лепшая рэгіянальная кнігарня", "Лепшая кнігарня па рэалізацыі дзіцячых кніжных выданняў" і "Лепшая інтэрнэт-кнігарня".

Спецыяльныя намінацыі вызначаць самае знакавае адкрыццё новай кнігарні ў намінацыі "Адкрыццё года" і самы актыўны магазін у рабоце з чытацкай аўдыторыяй у намінацыі "Чытаем разам".

Паколькі любая кнігарня - перш за ўсё прастора, якую ствараюць людзі, будзе ўлічаны ўклад прафесіяналаў сваёй справы ў персанальных намінацыях "Лепшы кіраўнік кнігарні" і "Лепшы спецыяліст кніжнага гандлю".

У конкурсе ўдзельнічаюць як магазіны буйных кніжных сетак, так і невялікія магазіны, незалежна ад формы ўласнасці, памеру гандлёвай плошчы і тавараабароту.

Рэспубліканскі конкурс "Лепшая кнігарня" праводзяць Саюз выдаўцоў і распаўсюджвальнікаў друку, ААТ "Белкніга" пры падтрымцы Міністэрства інфармацыі Беларусі.-0-

Вы можаце знайсці гэту старонку па наступным адрасе:
https://blr.belta.by/culture/view/vyniki-konkursu-lepshaja-knigarnja-abjavjats-na-vystautsy-knig-u-minsku-66136-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА