Версія для друку:
+
Карцінкі
Друк

Навіны Беларусі

Ноч Будапешта правядуць у Нацыянальным гістарычным музеі

Культура 24.05.2019 | 15:42
Фота з архіва
Фота з архіва

24 мая, Мінск /Кар. БЕЛТА/. Ноч Будапешта правядуць ва ўнутраным дворыку Нацыянальнага гістарычнага музея Беларусі 31 мая з 20.00 да 24.00, паведамілі БЕЛТА ў музеі.

"Галоўнай адметнасцю ночы Будапешта будзе яе насычаная праграма, якая ўключае канцэрт музычнай групы Bon Voyage, фотавыставу Сяргея і Наталлі Плыткевічаў, прысвечаную начнаму Будапешту, гастранамічныя шоу з дэгустацыяй венгерскіх він, кінапаказ стужак - пераможцаў фестывалю кароткаметражных фільмаў "Бушо", віктарыны", - расказалі ў музеі.

Венгерская культура шматгранная і арганічна спалучае ў сабе жыццялюбства, духоўнасць і рамантызм. Венгрыя ўсё часцей з'яўляецца ў спісах краін, якія падарожнікі імкнуцца наведаць у першую чаргу. Прычына - вялікі пералік выдатных мясцін, самабытная кухня, лекавыя тэрмальныя крыніцы. У Будапешце размешчаны цудоўныя помнікі архітэктуры і музеі, экспазіцыі якіх даюць магчымасць больш даведацца пра венгерскую культуру.

Ініцыятарам культурнай падзеі з'яўляецца пасольства Венгрыі ў Беларусі.-0-

Вы можаце знайсці гэту старонку па наступным адрасе:
https://blr.belta.by/culture/view/noch-budapeshta-pravjaduts-u-natsyjanalnym-gistarychnym-muzei-78349-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА