ДЗЯРЖОРГАНЫДЗЯРЖОРГАНЫ
Флаг Чацвер, 29 ліпеня 2021
Мінск Малавоблачна +23°C
Усе навіны
Усе навіны
Прэзідэнт
21 ліпеня 2021, 20:45

Зацверджаны правілы аматарскага рыбалоўства і вядзення рыбалоўнай гаспадаркі

Фота з архіва
Фота з архіва

21 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў сёння ўказ нумар 284 "Аб рыбалоўстве і рыбалоўнай гаспадарцы", якім зацверджаны правілы аматарскага рыбалоўства і правілы вядзення рыбалоўнай гаспадаркі. Аб гэтым БЕЛТА паведамілі ў прэс-службе беларускага лідара.

Згодна з правіламі аматарскага рыбалоўства для грамадзян спрашчаецца парадак карыстання рыбалоўнымі ўгоддзямі: выключаны празмерныя патрабаванні да прылад аматарскага рыбалоўства, пашыраны пералік такіх прылад, знята забарона на выкарыстанне асвятляльных прыбораў, прадастаўлены льготы на платнае аматарскае рыбалоўства дадатковым катэгорыям грамадзян (пенсіянерам, воінам-інтэрнацыяналістам, асобам да 16 гадоў). Таксама дазваляецца аматарская лоўля рыбы ва ўсіх рыбалоўных угоддзях фонду запасу, а таксама перададзеных для прамысловага рыбалоўства. Павялічваюцца нормы вылаву за кошт зняцця абмежаванняў на лоўлю інвазіўных відаў рыбы (напрыклад, бычка, ратана-галавешкі, соміка амерыканскага).

Акрамя таго, устанаўліваюцца патрабаванні да падводнага палявання. Такі від рыбалоўства магчымы толькі ў вызначаных аблвыканкамамі вадаёмах пры ўмове наяўнасці ў грамадзяніна пры сабе пасведчання на права падводнага палявання, выдадзенага Беларускім таварыствам паляўнічых і рыбаловаў.

У адпаведнасці з правіламі вядзення рыбалоўнай гаспадаркі ўведзена права на прамысловае рыбалоўства шляхам рэалізацыі квот без арэнды рыбалоўных угоддзяў. Удасканальваюцца падыходы да кіравання, узнаўлення і аховы рыбных рэсурсаў, у прыватнасці ўстаноўлены парадак вызначэння месцаразмяшчэння і межаў зімавальных ям, актуалізаваны нарматывы вылаву рыбы з улікам рэкамендацый і даследаванняў Нацыянальнай акадэміі навук Беларусі.

Новымі правіламі ствараюцца дадатковыя ўмовы для вядзення рыбалоўнай гаспадаркі: пашыраны пералік асоб, якія маюць права на атрыманне прамысловых білетаў, прадастаўлена магчымасць выдачы такіх білетаў тэрмінам да 5 гадоў. Функцыі кантролю за вядзеннем рыбалоўнай гаспадаркі замацоўваюцца за Дзяржаўнай інспекцыяй аховы жывёльнага і расліннага свету пры Прэзідэнце Беларусі.

У цэлым выдадзеным указам аптымізуюцца нормы, якія рэгулююць аматарскае рыбалоўства і вядзенне рыбалоўнай гаспадаркі, прадугледжваецца парадак вырабу, захоўвання і збыту рыбалоўных сетак, сеткаматэрыялаў, традыцыйных нацыянальных прылад аматарскага рыбалоўства.

Рэалізацыя гэтага рашэння кіраўніка дзяржавы дасць магчымасць забяспечыць зарыбленне рыбалоўных угоддзяў, зробіць іх больш даступнымі для насельніцтва.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі