30 сакавіка, Мінск /Кар. БЕЛТА/. Кіраўнік дзяржавы Аляксандр Лукашэнка падпісаў указ нумар 125, якім зацверджана папраўка да пагаднення аб пазыцы паміж Беларуссю і Міжнародным банкам рэканструкцыі і развіцця па праекце "Мадэрнізацыя транзітнага калідора". Аб гэтым БЕЛТА паведамілі ў прэс-службе беларускага лідара.
У адпаведнасці з пагадненнем аб пазыцы, падпісаным у 2015 годзе, МБРР прадаставіў Беларусі пазыку ў памеры $250 млн для рэалізацыі праекта рэканструкцыі аўтамабільнай дарогі М6 Мінск - Гродна.
Папраўкай, падпісанай у Мінску ў снежні 2020 года, удакладняюцца работы і мерапрыемствы, на рэалізацыю якіх накіроўваюцца сродкі пазыкі, сэканомленыя пры рэканструкцыі аўтадарогі М6.
Зацвярджэнне гэтай папраўкі забяспечвае максімальна поўнае асваенне сродкаў пазыкі і садзейнічае прадаўжэнню сістэмнай работы па развіцці дарожнай гаспадаркі і павышэнні бяспекі дарожнага руху.-0-