26 мая, Мінск /Кар. БЕЛТА/. Заснаваны эмблема і сцяг Міністэрства эканомікі. Адпаведны ўказ аб афіцыйных геральдычных сімвалах падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.
Дакументам зацверджаны палажэнні аб названых геральдычных сімвалах, а таксама іх апісанні і выявы.
Распрацоўка сімволікі ажыццяўлялася з улікам правіл геральдыкі і гістарычных традыцый развіцця эканамічных органаў.
Эмблема ўяўляе сабой круг са стылізаванай выявай зямнога шара фіялетавага колеру з контурам тэрыторыі Рэспублікі Беларусь белага колеру ў цэнтры. На контуры размешчана слупкаватая дыяграма з накіраванай уверх стрэлкай як сімвал эканамічнага росту краіны. Верхняя частка эмблемы ўвянчана Дзяржаўным гербам Рэспублікі Беларусь і абрамлена беларускім арнаментам.
Сцяг перадае выяву эмблемы, размешчанай на прамавугольным палотнішчы фіялетавага колеру.
Заснаванне геральдычных сімвалаў будзе садзейнічаць захаванню і развіццю гістарычных традыцый Міністэрства эканомікі, а таксама папулярызацыі службы ў гэтым дзяржаўным органе.
Аляксандр Лукашэнка таксама падпісаў указ, у адпаведнасці з якім устаноўлены юбілейны медаль "100 год беларускім эканамічным органам", зацверджана палажэнне аб названым памятным знаку, яго апісанне і ўзор пасведчання да яго.
У бягучым годзе ў Беларусі адзначаецца 100-годдзе з дня ўтварэння беларускіх эканамічных органаў. Юбілейным медалём плануецца ўзнагароджваць работнікаў сістэмы Міністэрства эканомікі, яго ветэранаў за значны ўклад у сацыяльна-эканамічнае развіццё краіны, а таксама іншых асоб, якія актыўна супрацоўнічалі з міністэрствам у частцы павышэння эфектыўнасці беларускай эканомікі і ўзроўню жыцця грамадзян.-0-
