17 верасня, Мінск /Кар. БЕЛТА/. Павел Латушка і Ігар Ляшчэня пазбаўлены дыпламатычнага рангу Надзвычайнага і Паўнамоцнага Пасла ў сувязі з ажыццяўленнем учынкаў, якія знеслаўляюць дзяржаўную (дыпламатычную) службу. Адпаведныя ўказы Аляксандр Лукашэнка падпісаў 16 верасня, паведамілі БЕЛТА ў прэс-службе кіраўніка дзяржавы.
Яшчэ адным указам Аляксандр Лукашэнка вызваліў Васіля Марковіча ад пасады Надзвычайнага і Паўнамоцнага Пасла Рэспублікі Беларусь у Латвійскай Рэспубліцы і пазбавіў яго дыпламатычнага рангу за неналежнае выкананне службовых абавязкаў.-0-