Сцяг Пятніца, 19 красавіка 2024
Усе навіны
Усе навіны
Прэзідэнт
02 лютага 2024, 19:47

Вымпелам "За мужнасць і стойкасць у гады Вялікай Айчыннай вайны" ўзнагароджаны 9 населеных пунктаў Беларусі

Фота з архіва
Фота з архіва
2 лютага, Мінск /Кар. БЕЛТА/. Вымпелам "За мужнасць і стойкасць у гады Вялікай Айчыннай вайны" ўзнагароджаны 9 населеных пунктаў Беларусі. Адпаведны ўказ нумар 44 падпісаў 2 лютага кіраўнік дзяржавы Аляксандр Лукашэнка. Аб гэтым БЕЛТА паведамілі ў прэс-службе Прэзідэнта.
 
Населеныя пункты, узнагароджаныя вымпелам, з'яўляюцца дастойным прыкладам баявога і працоўнага подзвігу, усенароднага супраціўлення, праяўленых у гады Вялікай Айчыннай вайны. Узнагароджаны гарады Баранавічы, Дзяржынск, Дзятлава, Калінкавічы, Любань, Асіповічы, Чавусы, гарадскія пасёлкі Обаль і Асвея.
 
Яны ўдастоены ўзнагароды ў сувязі са святкаваннем 80-й гадавіны вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне, а таксама ў мэтах увекавечання подзвігу воінаў Чырвонай Арміі, рабочых, партызан і падпольшчыкаў, здзейсненага імі пры абароне і вызваленні беларускіх гарадоў і іншых населеных пунктаў.
 
Да гэтага часу ў Беларусі былі ўзнагароджаны вымпеламі "За мужнасць і стойкасць у гады Вялікай Айчыннай вайны" 27 населеных пунктаў. Гэты знак адрознення быў заснаваны 6 кастрычніка 2004 года ўказам Прэзідэнта да 60-годдзя вызвалення рэспублікі ад нямецка-фашысцкіх захопнікаў. Кожнае з гэтых 27 месцаў стала сапраўднай цытадэллю мужнасці, у якой неверагодную адвагу праявілі не толькі байцы, але і мясцовыя жыхары. БЕЛТА і газета "7 дней" рэалізуюць праект "Цытадэлі мужнасці" - на працягу 2024 года рэгулярна будуць публікавацца матэрыялы аб кожным з населеных пунктаў, узнагароджаных вымпелам "За мужнасць і стойкасць у гады Вялікай Айчыннай вайны".-0-
Падпісвайцеся на нас у
Twitter
Топ-навіны
Свежыя навіны Беларусі