28 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка на ІІІ Мінскай міжнароднай канферэнцыі па еўразійскай бяспецы заявіў, што меры, прадугледжаныя Дагаворам аб гарантыях бяспекі ў рамках Саюзнай дзяржавы, маюць выключна абарончы характар, перадае карэспандэнт БЕЛТА.
"Падпісаны ў мінулым годзе Дагавор аб гарантыях бяспекі ў рамках Саюзнай дзяржавы прадугледжвае выкарыстанне любых відаў узбраенняў, уключаючы ядзерныя. Для абароны! Яшчэ раз падкрэсліваю: гэты крок мае выключна абарончы характар і зроблены ў строгай адпаведнасці з міжнародным правам і палажэннямі Дагавора аб нераспаўсюджванні ядзернай зброі", - заявіў беларускі лідар.
Паводле слоў Прэзідэнта, калі ў дзяржаў знікаюць надзейныя дагаворныя асновы бяспекі і не працуюць меры даверу, узрастае роля інструментаў, у тым ліку ядзернага стрымлівання. "Нельга гарантаваць сваю бяспеку, калі яе юрыдычныя і палітычныя гарантыі растаптаныя. Калі суседнія краіны імкнуцца так нарасціць свой ваенны патэнцыял, каб ён у шмат разоў перасягаў твой уласны. І не саромеюцца ў агрэсіўнай рыторыцы", - адзначыў Аляксандр Лукашэнка.
Адказваючы на пытанне, навошта гэтыя краіны так робяць, Прэзідэнт сказаў: "У мяне толькі адзін адказ: на жаль, каб грамадства ўсё больш прывыкала да думкі аб вайне".-0-
Падпісвайцеся на нас у
