4 студзеня, Мінск /Кар. БЕЛТА/. Віцебскую вобласць трэба выцягнуць з таго стану, у якім яна знаходзіцца, хоць сітуацыю ў рэгіёне нельга назваць катастрофай. Аб гэтым кіраўнік дзяржавы Аляксандр Лукашэнка заявіў пры назначэнні Сяргея Ляўковіча памочнікам Прэзідэнта Рэспублікі Беларусь - інспектарам па Віцебскай вобласці, перадае карэспандэнт БЕЛТА.
"Спадзяюся, што вынік ад вашай работы будзе. Вельмі спадзяюся. Трэба знайсці сваё месца і працаваць у інтарэсах Віцебскай вобласці. Трэба выцягнуць Віцебскую вобласць з таго стану, у якім яна знаходзіцца. Я не скажу, што там катастрофа. Але гэта вобласць не лепшая ў краіне, а магчымасцей у яе нямала", - падкрэсліў беларускі лідар.
Аляксандр Лукашэнка адзначыў, што Сяргей Ляўковіч ведае Віцебскую вобласць. "Вобласць няпростая, калі не сказаць больш. Вы - аграрый, добра ведаеце сельскую гаспадарку, зыходзячы з вашай біяграфіі. Тое, што нам патрэбна ў Віцебскай вобласці. Прааналізуйце той шлях, які мы абазначылі ў развіцці сельскай гаспадаркі. Вы ведаеце, што мы стваралі там так званыя інтэграцыйныя структуры, кампаніі. Я на гэты варыянт згадзіўся - ён у прынцыпе бяспройгрышны, нічога не псуе. Калі гэта не ўдасца нам рэалізаваць - ну вельмі проста інтэграцыйнай структуры разбегчыся. Яны ж нічога не страчваюць. Трэба паспрабаваць рэалізаваць гэты праект да канца. Гэта ваша найважнейшая задача", - даў наказ кіраўнік дзяржавы.
Аляксандр Лукашэнка звярнуў увагу, што ўсе гэтыя задачы рэалізуюць людзі, а кадры - гэта сфера адказнасці Сяргея Ляўковіча. "Працуйце разам з губернатарам, але не забывайце, што вы не падручны губернатара. Вы - вушы і вочы Прэзідэнта ў гэтай вобласці. Я ад вас чакаю аб'ектыўнай ацэнкі. Бойкі там быць не павінна. Павінна быць аб'ектыўная ацэнка сітуацыі", - падкрэсліў беларускі лідар.
Ён арыентаваў, каб усе рашэнні ішлі ад жыцця, як таго заўсёды патрабуе і сам Аляксандр Лукашэнка. Напрыклад, у жывёлагадоўлі трэба аператыўна прымаць рашэнні аб перадачы жывёлы ў іншыя гаспадаркі, калі недзе няма магчымасці накарміць і ўтрымліваць жывёл. Гэта дазволіць як мінімум знізіць аб'ёмы падзяжу жывёлы. А далей ужо неабходна даводзіць да канца работу па стварэнні неабходнай кармавой базы, што ўключае ў сябе абсталяванне месцаў для захоўвання кармоў, выкананне ўсіх тэхналагічных патрабаванняў па іх нарыхтоўцы.
Што датычыцца кадравай сітуацыі ў вёсцы, то кіраўнік дзяржавы заклікаў "не плакацца, што ў нас у сельскай гаспадарцы не хапае людзей". "Катастрофа, калі людзі лішнія (для якіх няма магчымасці знайсці работу. - Заўвага БЕЛТА). Я гэта праходзіў. Можа, і вы сутыкаліся. Вось гэта бяда. А калі ёсць работа, дык трэба працаваць і зарабляць", - заўважыў Аляксандр Лукашэнка.
У самыя напружаныя для сельскай гаспадаркі перыяды ён арыентуе прыцягваць да сельгасработ на складанай тэхніцы спецыялістаў у тым ліку з гарадоў, якія маюць такі вопыт і кампетэнцыі. "Іх трэба 2-3 чалавекі, ну, 5 на гаспадарку ў цяжкія часы. Каб на камбайне, энерганасычаным трактары працаваў з розумам чалавек. Знайдзіце іх загадзя, устанавіце з імі адносіны і працуйце. У мяне так было (у гады работы кіраўніком сельгаспрадпрыемства. - Заўвага БЕЛТА). Я з тымі, хто паехаў з маёй гаспадаркі працаваць некуды (некаторыя жылі ў нас і працавалі за 5-7 кіламетраў ад гаспадаркі), устанавіў адносіны. Яны з задавальненнем прыязджалі і працавалі ў мяне на камбайнах. На астатнюю тэхніку ў мяне людзей хапала. Бліскуча працавалі", - падзяліўся вопытам Прэзідэнт.
У гэтым плане, адзначыў ён, у кожнай гаспадарцы павінна быць стратэгія, і гэтым пытаннем павінны займацца ў тым ліку на ўзроўні райвыканкамаў, якія асабліва не перагружаны ў сваёй рабоце.-0-
"Спадзяюся, што вынік ад вашай работы будзе. Вельмі спадзяюся. Трэба знайсці сваё месца і працаваць у інтарэсах Віцебскай вобласці. Трэба выцягнуць Віцебскую вобласць з таго стану, у якім яна знаходзіцца. Я не скажу, што там катастрофа. Але гэта вобласць не лепшая ў краіне, а магчымасцей у яе нямала", - падкрэсліў беларускі лідар.
Аляксандр Лукашэнка адзначыў, што Сяргей Ляўковіч ведае Віцебскую вобласць. "Вобласць няпростая, калі не сказаць больш. Вы - аграрый, добра ведаеце сельскую гаспадарку, зыходзячы з вашай біяграфіі. Тое, што нам патрэбна ў Віцебскай вобласці. Прааналізуйце той шлях, які мы абазначылі ў развіцці сельскай гаспадаркі. Вы ведаеце, што мы стваралі там так званыя інтэграцыйныя структуры, кампаніі. Я на гэты варыянт згадзіўся - ён у прынцыпе бяспройгрышны, нічога не псуе. Калі гэта не ўдасца нам рэалізаваць - ну вельмі проста інтэграцыйнай структуры разбегчыся. Яны ж нічога не страчваюць. Трэба паспрабаваць рэалізаваць гэты праект да канца. Гэта ваша найважнейшая задача", - даў наказ кіраўнік дзяржавы.
Аляксандр Лукашэнка звярнуў увагу, што ўсе гэтыя задачы рэалізуюць людзі, а кадры - гэта сфера адказнасці Сяргея Ляўковіча. "Працуйце разам з губернатарам, але не забывайце, што вы не падручны губернатара. Вы - вушы і вочы Прэзідэнта ў гэтай вобласці. Я ад вас чакаю аб'ектыўнай ацэнкі. Бойкі там быць не павінна. Павінна быць аб'ектыўная ацэнка сітуацыі", - падкрэсліў беларускі лідар.
Ён арыентаваў, каб усе рашэнні ішлі ад жыцця, як таго заўсёды патрабуе і сам Аляксандр Лукашэнка. Напрыклад, у жывёлагадоўлі трэба аператыўна прымаць рашэнні аб перадачы жывёлы ў іншыя гаспадаркі, калі недзе няма магчымасці накарміць і ўтрымліваць жывёл. Гэта дазволіць як мінімум знізіць аб'ёмы падзяжу жывёлы. А далей ужо неабходна даводзіць да канца работу па стварэнні неабходнай кармавой базы, што ўключае ў сябе абсталяванне месцаў для захоўвання кармоў, выкананне ўсіх тэхналагічных патрабаванняў па іх нарыхтоўцы.
Што датычыцца кадравай сітуацыі ў вёсцы, то кіраўнік дзяржавы заклікаў "не плакацца, што ў нас у сельскай гаспадарцы не хапае людзей". "Катастрофа, калі людзі лішнія (для якіх няма магчымасці знайсці работу. - Заўвага БЕЛТА). Я гэта праходзіў. Можа, і вы сутыкаліся. Вось гэта бяда. А калі ёсць работа, дык трэба працаваць і зарабляць", - заўважыў Аляксандр Лукашэнка.
У самыя напружаныя для сельскай гаспадаркі перыяды ён арыентуе прыцягваць да сельгасработ на складанай тэхніцы спецыялістаў у тым ліку з гарадоў, якія маюць такі вопыт і кампетэнцыі. "Іх трэба 2-3 чалавекі, ну, 5 на гаспадарку ў цяжкія часы. Каб на камбайне, энерганасычаным трактары працаваў з розумам чалавек. Знайдзіце іх загадзя, устанавіце з імі адносіны і працуйце. У мяне так было (у гады работы кіраўніком сельгаспрадпрыемства. - Заўвага БЕЛТА). Я з тымі, хто паехаў з маёй гаспадаркі працаваць некуды (некаторыя жылі ў нас і працавалі за 5-7 кіламетраў ад гаспадаркі), устанавіў адносіны. Яны з задавальненнем прыязджалі і працавалі ў мяне на камбайнах. На астатнюю тэхніку ў мяне людзей хапала. Бліскуча працавалі", - падзяліўся вопытам Прэзідэнт.
У гэтым плане, адзначыў ён, у кожнай гаспадарцы павінна быць стратэгія, і гэтым пытаннем павінны займацца ў тым ліку на ўзроўні райвыканкамаў, якія асабліва не перагружаны ў сваёй рабоце.-0-
