Дарагія суайчыннікі!
Віншую вас з чарговай гадавінай Кастрычніцкай рэвалюцыі. Гэта падзея азнаменавала пачатак новай эпохі ў гісторыі беларускага народа, які атрымаў шанц стварыць на роднай зямлі нацыянальную дзяржаву, стаць паўнацэнным суб'ектам міжнародных адносін.
Кастрычнік 1917 года ўвасобіў мары мільёнаў працоўных свету аб пабудове справядлівага грамадства на прынцыпах народаўладдзя, узаемнай сацыяльнай адказнасці і гуманізму.
Гэтыя ідэі і цяпер застаюцца рэальнай альтэрнатывай каланіяльнай палітыцы капіталізму ў яго сучасным абліччы, а савецкі праект саюза сацыялістычных рэспублік, заснаваны на раўнапраўі нацый, павазе іх культур і традыцый, і сёння з'яўляецца маяком для краін, якія імкнуцца жыць у міры і ствараць дзеля агульнай карысці.
Беларусь захавала дасягненні савецкай эпохі, прымнажаючы іх здзяйсненнямі суверэннага перыяду. Мы беражом памяць аб трагічных падзеях мінулага, увекавечваем перамогі і імёны герояў тысячагадовай гісторыі беларускага народа, прыклады мужнасці і мудрасці якога дапамагаюць нам пераадольваць выклікі, будаваць надзейны фундамент будучыні.
Дарагія беларусы, у гэты святочны дзень ад усяго сэрца жадаю вам моцнага здароўя, шчасця і новых здзяйсненняў на карысць Айчыны.
Аляксандр Лукашэнка.
7 лістапада 2022 г.-0-
