Мабільная версія
ДЗЯРЖОРГАНЫ
Апошнія навіны
Усе навіны

Лукашэнка: Кастрычніцкая рэвалюцыя заклала асновы для нацыянальнага адраджэння многіх народаў

Прэзідэнт 07.11.2018 | 09:00
Фота з архіва
Фота з архіва

7 лістапада, Мінск /Кар. БЕЛТА/. Кастрычніцкая рэвалюцыя ў летапісе чалавецтва стала для працоўных усяго свету сімвалам абнаўлення, вызвалення ад прыгнятання і новых надзей на светлую будучыню. Аб гэтым гаворыцца ў віншаванні Прэзідэнта Беларусі Аляксандра Лукашэнкі суайчыннікам з нагоды Дня Кастрычніцкай рэвалюцыі, паведамілі БЕЛТА ў прэс-службе беларускага лідара.

"З таго часу прайшло ўжо больш за сто гадоў. Можна па-рознаму ставіцца да падзей мінулага, ацэньваючы тых альбо іншых гістарычных дзеячаў. Аднак менавіта тады былі закладзены асновы для нацыянальнага адраджэння многіх народаў і іх права на самавызначэнне", - адзначыў кіраўнік дзяржавы.

Аляксандр Лукашэнка падкрэсліў, што сучасная Беларусь упэўнена ідзе ўласным шляхам развіцця. "Стваральная праца, павага да гісторыі, слаўных традыцый і здзяйсненняў многіх пакаленняў - галоўныя фактары кансалідацыі беларускага грамадства", - лічыць ён.

Прэзідэнт выказаў упэўненасць, што сваім розумам, талентам і працавітасцю грамадзяне захаваюць, прымножаць і перададуць нашчадкам бясцэнны нацыянальны здабытак - суверэнную Беларусь.

Віншаванне Прэзідэнта Беларусі з Днём Кастрычніцкай рэвалюцыі

Дарагія суайчыннікі!

Віншую вас з Днём Кастрычніцкай рэвалюцыі.

У летапісе чалавецтва гэта сапраўды эпахальная дата стала для працоўных усяго свету сімвалам абнаўлення, вызвалення ад прыгнятання і новых надзей на светлую будучыню.

З таго часу прайшло ўжо больш за сто гадоў. Можна па-рознаму ставіцца да падзей мінулага, ацэньваючы тых альбо іншых гістарычных дзеячаў. Аднак менавіта тады былі закладзены асновы для нацыянальнага адраджэння многіх народаў і іх права на самавызначэнне.

Сучасная Рэспубліка Беларусь упэўнена ідзе ўласным шляхам развіцця. Стваральная праца, павага да гісторыі, слаўных традыцый і здзяйсненняў многіх пакаленняў - галоўныя фактары кансалідацыі беларускага грамадства.

Упэўнены, што сваім розумам, талентам і працавітасцю мы захаваем, прымножым і перададзім нашчадкам наш бясцэнны нацыянальны здабытак - суверэнную Беларусь.

Ад усёй душы жадаю вам, дарагія суграмадзяне, здароўя, дабрабыту і новых дасягненняў у імя Айчыны!

Аляксандр Лукашэнка,

7 лістапада 2018 года.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Пленарны тыдзень ЕАГ праходзіць у Мінску Мерапрыемствы 29-га пленарнага тыдня Еўразійскай групы па процідзеянні легалізацыі злачынных даходаў і фінансаванню тэрарызму праходзяць у Мінску з 12 па 16 лістапада.