Сцяг Чацвер, 20 чэрвеня 2024
Усе навіны
Усе навіны
Прэзідэнт
23 лютага 2023, 16:42

Вельмі недружалюбны крок у духу амерыканскага шоу. Аляксандр Лукашэнка выказаўся пра збіты над ЗША шар

23 лютага, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю кітайскім СМІ выказаўся наконт кітайскага грамадзянскага паветранага шара, збітага нядаўна амерыканцамі, перадае карэспандэнт БЕЛТА.

"Вы цудоўна разумееце сітуацыю ў свеце. Кітаю спакойнага жыцця не будзе, - звярнуў увагу беларускі лідар. - Галоўны сапернік Злучаных Штатаў Амерыкі - гэта Кітай. Амерыканцы гэтага і не ўтойваюць. Сумна, што яны апусціліся нават да дробязі". Кіраўнік дзяржавы растлумачыў, што размова ідзе пра кітайскі грамадзянскі паветраны шар, збіты амерыканцамі: "Яны па-амерыканску арганізавалі шоу: напружвалі, напружвалі сваё грамадства, каб усе бачылі, якая "небяспека" ад гэтага кітайскага аб'екта. І калі 300 млн чалавек, амерыканцаў, былі сканцэнтраваны на гэтым аб'екце, яны яго збілі. Для чаго? Выбары наперадзе. Паказаць свой гераізм".

"Праўда, потым усе людзі разабраліся, што гэта быў проста недружалюбны крок у адносінах да Кітая. Кітайцы адразу заявілі, што гэта грамадзянскі шар. Можна было разам разабрацца, што гэта такое. Не, дэманстратыўна яго знішчылі. Гэта вельмі недружалюбны крок", - падкрэсліў Аляксандр Лукашэнка.-0-

Падпісвайцеся на нас у
Twitter
Топ-навіны
Свежыя навіны Беларусі