11 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка ўзгадніў назначэнне новых намеснікаў у шэрагу міністэрстваў і ведамстваў, перадае карэспандэнт БЕЛТА.
Мікалай Барысевіч зойме пасаду намесніка міністра замежных спраў. Да гэтага ён узначальваў галоўнае ўпраўленне Азіі, Афрыкі і Лацінскай Амерыкі МЗС.
Акрамя таго, на пасаду генеральнага консула Беларусі ў Дубаі (ААЭ) узгоднены Яўген Лазараў.
На пасаду намесніка міністра па падатках і зборах узгоднены Ігар Скрыннікаў, раней - начальнік галоўнага ўпраўлення метадалогіі падаткаабкладання МПЗ.
Таццяна Бранцэвіч з пасады намесніка старшыні камітэта эканомікі Мінскага аблвыканкама пяройдзе на пасаду намесніка міністра эканомікі.
Дзяніс Мароз узгоднены на пасаду намесніка міністра энергетыкі. Да гэтага ён узначальваў праектнае навукова-даследчае РУП "НДІ Белдзіпрапалівагаз".
Пасаду намесніка міністра юстыцыі зойме Сяргей Каліноўскі, раней - начальнік галоўнага ўпраўлення юстыцыі Брэсцкага аблвыканкама.
На пасаду першага намесніка старшыні Дзяржаўнага камітэта па стандартызацыі ўзгоднены Дзмітрый Барташэвіч. Да гэтага ён працаваў на пасадзе намесніка кіраўніка гэтага ведамства.
Анатоль Шаршун узгоднены на пасаду дырэктара Дэпартамента па каштоўных паперах Міністэрства фінансаў. Да гэтага ён працаваў на пасадзе намесніка кіраўніка гэтага дэпартамента.
Пасаду першага намесніка начальніка Беларускай чыгункі зойме Пётр Дулуб, раней - начальнік службы перавозак Упраўлення БЧ.-0-
