6 чэрвеня, Мінск /Кар. БЕЛТА/. Кіраўнік дзяржавы Аляксандр Лукашэнка накіраваў прывітанне ўдзельнікам V Форуму медыйнай супольнасці Беларусі і ХХI Нацыянальнага конкурсу "Залатая Літара". Аб гэтым БЕЛТА паведамілі ў прэс-службе беларускага лідара.
Прэзідэнт адзначыў, што на мерапрыемстве сабраліся прадстаўнікі творчай эліты айчыннай журналістыкі - людзі, праца і талент якіх фарміруюць аб'ектыўны вобраз сучаснай Беларусі.
"У эпоху постпраўды ваш форум з'яўляецца ўнікальнай пляцоўкай для абмену вопытам, абмеркавання тэндэнцый і стратэгіі развіцця нацыянальнай інфармацыйнай прасторы, прадастаўляе магчымасць па заслугах ацаніць уменні майстроў друкаванага слова", - гаворыцца ў прывітанні.
Насычаная праграма мерапрыемстваў і ўзнагароды "Залатой Літары" безумоўна дадуць магчымасць журналістам і медыяэкспертам пашырыць прафесійныя гарызонты і ўкараніць у сваю работу перадавыя практыкі, падкрэсліў Аляксандр Лукашэнка.
Прэзідэнт пажадаў усім удзельнікам плённых стасункаў, прыемных дыскусій і паспяховага ўзаемадзеяння на карысць Радзімы.-0-
Падпісвайцеся на нас у
