Фота з архіва
22 мая, Мінск /Кар. БЕЛТА/. Прэзідэнт Беларусі Аляксандр Лукашэнка назначыў Уладзіміра Караніка старшынёй Прэзідыума Нацыянальнай акадэміі навук Беларусі, перадае карэспандэнт БЕЛТА.
Да гэтага часу Уладзімір Каранік займаў пасаду намесніка прэм'ер-міністра Беларусі.
"Уладзімір Сцяпанавіч тут у нас цэнтральнай фігурай аказаўся. Я з табой размаўляў па тэлефоне. Дзякуй, што вытрымаў гэтыя хітраспляценні кадравыя. Нам вельмі трэба (як тут не пакрыўдзіць акадэмікаў і Акадэмію навук) усё ж такі навуку ў цэлым узнімаць на больш высокі ўзровень. Зразумела, мы гаварылі з Уладзімірам Гусаковым (які да гэтага часу ўзначальваў НАН. - Заўвага БЕЛТА). Ён гэта разумее - патрэбны вельмі маладыя, перспектыўныя, але ў той жа час вопытныя людзі. З усіх кандыдатаў, якія былі мне прапанаваны, я выбраў вас. І ведаю, што вас добра ўспрымуць вучоныя. З гэтым трэба лічыцца. Я з гэтым лічуся. Вы працавалі і членам урада - міністрам. Вы, самае галоўнае, атрымалі добры вопыт і веды, працуючы губернатарам. Да вас людзі вельмі добра ставіліся ў Гродзенскай вобласці", - сказаў Аляксандр Лукашэнка.
"Навука для нас - важнейшы элемент. Таму што далей без навукі мы не зможам рухацца проста", - падкрэсліў беларускі лідар.
Кіраўнік дзяржавы згадаў аб праведзенай у гэты ж дзень сустрэчы з віцэ-прэм'ерам Дзяржсавета КНР Лю Гачжунам. "Ён гаворыць аб тым, што перад намі павінны стаяць задачы сур'ёзныя і канкрэтныя кантракты інавацыйнага характару. Гэта значыць, вось гэты гігант - Кітай, які з'яўляецца фактычна сусветным лідарам, ён ужо не бачыць свайго і нашага развіцця на нейкіх звычайных, простых матэрыях. Не, патрэбны інавацыйныя прадукты, вытворчасці, каб канкурыраваць. Правільна. У адваротным выпадку навошта нешта ствараць", - адзначыў Прэзідэнт.
Аляксандр Лукашэнка ўпэўнены, што беларускія вучоныя шмат што могуць. "Але не заўсёды, дарэчы, мы ва ўрадзе і губернатары нашы гэта нармальна ўспрымаем - усе мы. Думаю, што з вашай падрыхтоўкай, вашым вопытам, ведамі і напорыстасцю ў характары мы шмат што можам зрабіць. Але і ў Акадэміі навук трэба ўважліва паглядзець на кадры, планы развіцця. Вы прысутнічалі, калі мы абмяркоўвалі гэтыя планы. Вы іх ведаеце і ўнізе, і тут, наверсе. Таму я вельмі разлічваю, што ў вас гэта работа атрымаецца. Але галоўнае, я ўпэўнены, што вучоныя людзі вас успрымуць. Гэта немалаважна", - даў наказ беларускі лідар.
У час прыняцця іншых кадравых рашэнняў Аляксандр Лукашэнка асобна згадаў і пра ранейшага кіраўніка НАН Уладзіміра Гусакова: "Я разумею, што Гусакоў, які адпрацаваў кіраўніком Акадэміі навук нямала часу і які нямала зрабіў, яго (хоць ён і ва ўзросце пэўным, не стары яшчэ, можа працаваць) мы не выкідваем. Учора кіраўнік Адміністрацыі (Прэзідэнта. - Заўвага БЕЛТА) з ім перагаварыў і непасрэдна яму ад майго імя заявіў: калі хочаш працаваць, у нас для цябе заўсёды ёсць работа. Ён - гэта скарбніца вопыту, ведаў. Гэта чалавек... У нас нямнога такіх людзей. І такіх людзей нельга страчваць".
Каранік Уладзімір Сцяпанавіч нарадзіўся ў 1973 годзе ў Гродне. У 1996 годзе скончыў Гродзенскі дзяржаўны медыцынскі інстытут. У 2010 і 2014 гадах прайшоў перападрыхтоўку ў Беларускай медыцынскай акадэміі паслядыпломнай адукацыі.
1996-1997 гады - урач-стажор Навукова-даследчага інстытута анкалогіі і медыцынскай радыялогіі імя М.М. Аляксандрава.
1997-2001 гады - малодшы навуковы супрацоўнік аддзялення таракальнай анкапаталогіі НДІ анкалогіі і медыцынскай радыялогіі імя М.М. Аляксандрава.
2001-2002 гады - навуковы супрацоўнік аддзялення таракальнай анкапаталогіі НДІ анкалогіі і медыцынскай радыялогіі імя М.М. Аляксандрава.
З 2002 па 2011 год працаваў на пасадах урача - таракальнага хірурга анкалагічнага таракальнага аддзялення Рэспубліканскага навукова-практычнага цэнтра анкалогіі і медыцынскай радыялогіі імя М.М. Аляксандрава і ўрача - таракальнага хірурга (загадчыка) анкалагічнага таракальнага аддзялення РНПЦ анкалогіі і медыцынскай радыялогіі імя М.М. Аляксандрава.
2011-2019 гады - галоўны ўрач Мінскага гарадскога клінічнага анкалагічнага дыспансера.
У 2019 годзе быў назначаны міністрам аховы здароўя.
З 2020 па 2025 год - старшыня Гродзенскага аблвыканкама.
У сакавіку 2025 года назначаны намеснікам прэм'ер-міністра. З мая 2025 года - старшыня Прэзідыума Нацыянальнай акадэміі навук Беларусі.
Кандыдат медыцынскіх навук. У 2020 годзе ўзнагароджаны ордэнам Айчыны ІІІ ступені.-0-
Да гэтага часу Уладзімір Каранік займаў пасаду намесніка прэм'ер-міністра Беларусі.
"Уладзімір Сцяпанавіч тут у нас цэнтральнай фігурай аказаўся. Я з табой размаўляў па тэлефоне. Дзякуй, што вытрымаў гэтыя хітраспляценні кадравыя. Нам вельмі трэба (як тут не пакрыўдзіць акадэмікаў і Акадэмію навук) усё ж такі навуку ў цэлым узнімаць на больш высокі ўзровень. Зразумела, мы гаварылі з Уладзімірам Гусаковым (які да гэтага часу ўзначальваў НАН. - Заўвага БЕЛТА). Ён гэта разумее - патрэбны вельмі маладыя, перспектыўныя, але ў той жа час вопытныя людзі. З усіх кандыдатаў, якія былі мне прапанаваны, я выбраў вас. І ведаю, што вас добра ўспрымуць вучоныя. З гэтым трэба лічыцца. Я з гэтым лічуся. Вы працавалі і членам урада - міністрам. Вы, самае галоўнае, атрымалі добры вопыт і веды, працуючы губернатарам. Да вас людзі вельмі добра ставіліся ў Гродзенскай вобласці", - сказаў Аляксандр Лукашэнка.
"Навука для нас - важнейшы элемент. Таму што далей без навукі мы не зможам рухацца проста", - падкрэсліў беларускі лідар.
Кіраўнік дзяржавы згадаў аб праведзенай у гэты ж дзень сустрэчы з віцэ-прэм'ерам Дзяржсавета КНР Лю Гачжунам. "Ён гаворыць аб тым, што перад намі павінны стаяць задачы сур'ёзныя і канкрэтныя кантракты інавацыйнага характару. Гэта значыць, вось гэты гігант - Кітай, які з'яўляецца фактычна сусветным лідарам, ён ужо не бачыць свайго і нашага развіцця на нейкіх звычайных, простых матэрыях. Не, патрэбны інавацыйныя прадукты, вытворчасці, каб канкурыраваць. Правільна. У адваротным выпадку навошта нешта ствараць", - адзначыў Прэзідэнт.
Аляксандр Лукашэнка ўпэўнены, што беларускія вучоныя шмат што могуць. "Але не заўсёды, дарэчы, мы ва ўрадзе і губернатары нашы гэта нармальна ўспрымаем - усе мы. Думаю, што з вашай падрыхтоўкай, вашым вопытам, ведамі і напорыстасцю ў характары мы шмат што можам зрабіць. Але і ў Акадэміі навук трэба ўважліва паглядзець на кадры, планы развіцця. Вы прысутнічалі, калі мы абмяркоўвалі гэтыя планы. Вы іх ведаеце і ўнізе, і тут, наверсе. Таму я вельмі разлічваю, што ў вас гэта работа атрымаецца. Але галоўнае, я ўпэўнены, што вучоныя людзі вас успрымуць. Гэта немалаважна", - даў наказ беларускі лідар.
У час прыняцця іншых кадравых рашэнняў Аляксандр Лукашэнка асобна згадаў і пра ранейшага кіраўніка НАН Уладзіміра Гусакова: "Я разумею, што Гусакоў, які адпрацаваў кіраўніком Акадэміі навук нямала часу і які нямала зрабіў, яго (хоць ён і ва ўзросце пэўным, не стары яшчэ, можа працаваць) мы не выкідваем. Учора кіраўнік Адміністрацыі (Прэзідэнта. - Заўвага БЕЛТА) з ім перагаварыў і непасрэдна яму ад майго імя заявіў: калі хочаш працаваць, у нас для цябе заўсёды ёсць работа. Ён - гэта скарбніца вопыту, ведаў. Гэта чалавек... У нас нямнога такіх людзей. І такіх людзей нельга страчваць".
Каранік Уладзімір Сцяпанавіч нарадзіўся ў 1973 годзе ў Гродне. У 1996 годзе скончыў Гродзенскі дзяржаўны медыцынскі інстытут. У 2010 і 2014 гадах прайшоў перападрыхтоўку ў Беларускай медыцынскай акадэміі паслядыпломнай адукацыі.
1996-1997 гады - урач-стажор Навукова-даследчага інстытута анкалогіі і медыцынскай радыялогіі імя М.М. Аляксандрава.
1997-2001 гады - малодшы навуковы супрацоўнік аддзялення таракальнай анкапаталогіі НДІ анкалогіі і медыцынскай радыялогіі імя М.М. Аляксандрава.
2001-2002 гады - навуковы супрацоўнік аддзялення таракальнай анкапаталогіі НДІ анкалогіі і медыцынскай радыялогіі імя М.М. Аляксандрава.
З 2002 па 2011 год працаваў на пасадах урача - таракальнага хірурга анкалагічнага таракальнага аддзялення Рэспубліканскага навукова-практычнага цэнтра анкалогіі і медыцынскай радыялогіі імя М.М. Аляксандрава і ўрача - таракальнага хірурга (загадчыка) анкалагічнага таракальнага аддзялення РНПЦ анкалогіі і медыцынскай радыялогіі імя М.М. Аляксандрава.
2011-2019 гады - галоўны ўрач Мінскага гарадскога клінічнага анкалагічнага дыспансера.
У 2019 годзе быў назначаны міністрам аховы здароўя.
З 2020 па 2025 год - старшыня Гродзенскага аблвыканкама.
У сакавіку 2025 года назначаны намеснікам прэм'ер-міністра. З мая 2025 года - старшыня Прэзідыума Нацыянальнай акадэміі навук Беларусі.
Кандыдат медыцынскіх навук. У 2020 годзе ўзнагароджаны ордэнам Айчыны ІІІ ступені.-0-
Падпісвайцеся на нас у
