3 ліпеня, Смалявіцкі раён /Кар. БЕЛТА/. Удзельнікі экспедыцыі на Эверэст сёння ў час урачыстага мерапрыемства ля мемарыяльнага комплексу "Курган Славы" ўручылі Прэзідэнту Беларусі Аляксандру Лукашэнку Дзяржаўны флаг і копію Сцяга Перамогі, якія былі ўзняты імі на самую высокую кропку планеты, перадае карэспандэнт БЕЛТА.
"Гэта, напэўна, сёння будзе асноўнай святыняй у Палацы Незалежнасці", - сказаў Аляксандр Лукашэнка.
Прэзідэнт падкрэсліў, што ганарыцца камандай альпіністаў, як і беларускімі ўдзельнікамі антарктычнай экспедыцыі. Кіраўнік дзяржавы лічыць, што іх неабходна прадставіць да ўзнагарод.-0-