Фота з архіва
22 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў дыпламатычнай службы з прафесійным святам - Днём дыпламатычнага работніка. Аб гэтым БЕЛТА паведамілі ў прэс-службе беларускага лідара.
"Вы выбралі справай свайго жыцця служэнне роднай Беларусі шляхам абароны і пашырэння яе нацыянальных інтарэсаў на міжнароднай арэне. Айчынная дыпламатыя за сваю больш як 100-гадовую гісторыю ўзяла самае лепшае ад некалькіх пакаленняў папярэднікаў і ўпэўнена будуе сваю работу на прынцыпах павагі і раўнапраўнага дыялогу з усімі дзяржавамі, умацавання дружбы і ўзаемавыгаднага партнёрства паміж народамі", - адзначаецца ў віншаванні.
"Сёння, у найскладанейшых геапалітычных умовах, у вашых руках аўтарытэт Беларусі як паўнапраўнага ўдзельніка лёсавызначальных сусветных працэсаў, што ўскладае на супрацоўнікаў сістэмы Міністэрства замежных спраў асаблівую адказнасць. Упэўнены, вы з гонарам і шчырай самааддачай прадоўжыце рабіць усё, што ад вас залежыць, для ўмацавання суверэнітэту нашай дзяржавы, павышэння рэгіянальнай і міжнароднай бяспекі на гэтым пераломным этапе гісторыі", - адзначыў кіраўнік дзяржавы.
Аляксандр Лукашэнка пажадаў работнікам і ветэранам дыпламатычнай службы моцнага здароўя, шчасця, дабрабыту і надзейнага сямейнага тылу.-0-
Падпісвайцеся на нас у
