9 верасня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў указ нумар 312 ад 9 верасня 2022 г., які прадугледжвае змяненне парадку індэксацыі тарыфаў (цэн) на камунальныя паслугі для юрыдычных асоб. Аб гэтым БЕЛТА паведамілі ў прэс-службе беларускага лідара.
У сувязі з пераходам на расійскія рублі ў разліках за газ, які набываецца ў Расійскай Федэрацыі, указам устаноўлена, што індэксацыя цэн на энергарэсурсы і тарыфаў на камунальныя паслугі ажыццяўляецца ў прывязцы не да курса долара ЗША, а да курса замежнай валюты, што выкарыстоўваецца пры разліках.
Паколькі цэны на газ у залежнасці ад курса беларускага рубля да расійскага рубля ўстаноўлены з 1 ліпеня 2022 г., гэты парадак індэксацыі таксама ўстанаўліваецца з гэтай даты.-0-