27 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў указ нумар 154 "Аб абавязковай дэзынфекцыі транспартных сродкаў". Дакумент прыняты ў мэтах зніжэння рызыкі ўвозу на тэрыторыю краіны ўзбуджальнікаў небяспечных інфекцый і бактэрый. Аб гэтым БЕЛТА паведамілі ў прэс-службе беларускага лідара.
Раней у Беларусі быў праведзены эксперымент па абавязковай дэзынфекцыі транспартных сродкаў. Згодна з указам кіраўніка дзяржавы ад 26 красавіка 2021 года з 1 ліпеня 2021 года па 1 сакавіка 2022 года ў пункце пропуску праз дзяржаўную граніцу "Новая Гута" абавязкова дэзынфіцыраваліся аўтобусы, легкавыя і грузавыя аўтамабілі (са знешняга боку) - усяго больш за 60 тыс. транспартных сродкаў. Дзяржаўнай ветэрынарнай службай да правядзення дэзынфекцыі адбіраліся і даследаваліся пробы, частка з якіх паказала станоўчы рэзультат на наяўнасць кішэчнай палачкі і залацістага стафілакока.
Па выніках разгляду міжведамаснай рабочай групай пры Міністэрстве сельскай гаспадаркі і харчавання пытання аб мэтазгоднасці ўвядзення абавязковай дэзынфекцыі транспартных сродкаў прынята рашэнне распаўсюдзіць атрыманы вопыт на ўсе пункты пропуску на знешніх граніцах дзяржавы. Гэта рашэнне замацавана ва ўказе нумар 154. У якасці арганізацыі, якая аказвае аплатныя паслугі па абавязковай дэзынфекцыі, вызначана ТАА "БелГлобалГарант". Аплата будзе праводзіцца шляхам набыцця кантрольнай маркі ў "Белдзяржстраху" і ААТ "ААБ Беларусбанк" у пунктах пропуску праз дзяржаўную граніцу.-0-
