15 кастрычніка, Мінск /Кар. БЕЛТА/. Для далейшай аптымізацыі структуры Нацыянальнага банка і яго штатнай колькасці з 1 сакавіка 2022 года скасоўваюцца яго галоўныя ўпраўленні па абласцях. Адпаведны ўказ нумар 392 Прэзідэнт Беларусі Аляксандр Лукашэнка падпісаў 15 кастрычніка, паведамілі БЕЛТА ў прэс-службе кіраўніка дзяржавы.
Гэта рашэнне абумоўлена значным скарачэннем рэалізуемых галоўнымі ўпраўленнямі банка функцый.
Выкананне астатніх функцый будзе ўскладзена на структурныя падраздзяленні цэнтральнага апарату Нацыянальнага банка без павелічэння іх штатнай колькасці і ў рамках выконваемых імі задач згодна з дзеючымі палажэннямі.-0-
