18 сакавіка, Глыбокае /Кар. БЕЛТА/. Беларускі АПК мае добрыя шанцы на далейшае развіццё з улікам павышанага попыту на прадукты харчавання ў свеце. Аб гэтым Прэзідэнт Беларусі Аляксандр Лукашэнка заявіў сёння, наведваючы Глыбоцкі малочнакансервавы камбінат, перадае карэспандэнт БЕЛТА.
Кіраўнік дзяржавы цікавіўся работай прадпрыемства, тэхналогіямі і ступенню перапрацоўкі сыравіны. У прыватнасці, размова аб малочнай сыроватцы, якая раней не перапрацоўвалася, а яе проста ўтылізавалі. Аднак гэта запатрабаваная сыравіна і экспартны прадукт.
"Гэтага быць не павінна. Асабліва цяпер. Мы ўсё гэта павінны перапрацаваць", - падкрэсліў беларускі лідар.
Ён адзначыў, што гэта яшчэ больш актуальна на фоне санкцыйнага націску і росту цэн і попыту на прадукты харчавання ў свеце. "Тым больш цяпер, калі попыт на прадукты харчавання расце ў свеце вельмі хуткімі тэмпамі. Нам цяпер шанц - на гэтым падняць сельскую гаспадарку. Расіяне цяпер з задавальненнем бяруць усе тавары", - сказаў Аляксандр Лукашэнка.
Асобную ўвагу кіраўнік дзяржавы акцэнтаваў і на пытаннях працоўнай дысцыпліны. "Прыйшоў працаваць - давай вынік", - сказаў ён.-0-
