7 ліпеня, Мінск /Уладзімір Мацвееў - БЕЛТА/. У Мінску прадоўжаць вынас прадпрыемстваў з цэнтра горада. Аб гэтым Прэзідэнт Беларусі Аляксандр Лукашэнка заявіў сёння на сустрэчы з актывам сталіцы, перадае карэспандэнт БЕЛТА.
Прэзідэнт адзначыў, што ў Мінску неабходна эфектыўна выкарыстоўваць дзяржаўную маёмасць. У прыватнасці, старыя вытворчыя пляцоўкі, якія могуць быць задзейнічаны пад іншыя мэты або развіццё чыстых экалагічных вытворчасцей. "Некаторыя нават рэстараны пачалі будаваць у гэтых месцах", - заўважыў кіраўнік дзяржавы.
"Тое, што патрэбна гораду, будзем будаваць. Але мы прадоўжым вынас прадпрыемстваў з цэнтра горада. Асабліва тых, якія маюць ліцейныя вытворчасці і да таго падобнае", - дадаў Аляксандр Лукашэнка.-0-