ДЗЯРЖОРГАНЫДЗЯРЖОРГАНЫ
Флаг Субота, 25 чэрвеня 2022
Мінск Ясна +17°C
Усе навіны
Усе навіны
Прэзідэнт
05 красавіка 2022, 19:18

У Беларусі стварылі дзяржкамісіі для кантролю за правядзеннем уступных іспытаў

Фота з архіва
Фота з архіва

5 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка 5 красавіка падпісаў указ нумар 135 аб стварэнні дзяржаўнай камісіі па кантролі за ходам падрыхтоўкі і правядзення ўступных іспытаў у 2022 годзе. Аб гэтым БЕЛТА паведамілі ў прэс-службе кіраўніка дзяржавы.

У склад камісіі ўключаны члены Савета Рэспублікі і дэпутаты Палаты прадстаўнікоў, кіраўнікі органаў дзяржаўнага кіравання, прадстаўнікі грамадскіх арганізацый і работнікі кантралюючых органаў. Старшынёй камісіі назначаны намеснік прэм'ер-міністра Ігар Петрышэнка.

Асноўныя задачы дзяржаўнай камісіі - забеспячэнне абароны правоў і законных інтарэсаў грамадзян і прадастаўленне абітурыентам роўных магчымасцей пры паступленні ва ўстановы вышэйшай і сярэдняй спецыяльнай адукацыі, кантроль за падрыхтоўкай і правядзеннем цэнтралізаванага тэсціравання, іншых форм уступных іспытаў, прыняцце мер па ўстараненні парушэнняў заканадаўства, што рэгулюе арганізацыю і правядзенне прыёму, ажыццяўленне прыёму грамадзян па пытаннях падрыхтоўкі і правядзення ўступных іспытаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі