6 студзеня, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка падпісаў указ, якім шэраг заканадаўчых актаў кіраўніка дзяржавы прыводзіцца ў адпаведнасць з законам ад 18 ліпеня 2022 года "Аб змяненні кодэксаў". Аб гэтым БЕЛТА паведамілі ў прэс-службе беларускага лідара.
У прыватнасці, карэкціруецца парадак ажыццяўлення адміністрацыйных працэдур, звязаных з адчужэннем і падзелам зямельных участкаў, змяненнем іх мэтавага прызначэння.
Прызнаюцца страціўшымі сілу ўказы ад 27 снежня 2007 года нумар 667 "Аб адабранні і прадастаўленні зямельных участкаў" і ад 11 снежня 2009 года нумар 622 "Аб удасканаленні парадку рэгулявання зямельных адносін і ажыццяўлення дзяржаўнага кантролю за выкарыстаннем і аховай зямель".
Усяго больш за 30 нарматыўных актаў прыводзіцца ў адпаведнасць з законам "Аб змяненні кодэксаў" у частцы тэрміналогіі, што выкарыстоўваецца ў гэтых дакументах.-0-
