15 лютага, Мінск /Кар. БЕЛТА/. У Беларусі няма і не намячаецца эпідэміі грыпу. Аб гэтым сёння далажыў Прэзідэнту Аляксандру Лукашэнку міністр аховы здароўя Васіль Жарко, перадае карэспандэнт БЕЛТА.
Узровень захваральнасці нізкі. Як было даложана Прэзідэнту, у краіне няма і не намячаецца эпідэміі грыпу і іншых прастудных захворванняў.
Аляксандр Лукашэнка сітуацыю з захваральнасцю на ВРВІ і грып у Беларусі назваў "адноснай цішынёй". Разам з тым кіраўнік дзяржавы запатрабаваў абсалютна аб'ектыўнага даклада па гэтым пытанні з прычыны напружанага стану спраў у суседняй Расіі, дзе фіксуецца вялікі ўзровень смяротнасці ад грыпу. "Інфармацыя вельмі насцярожвае, мы адкрыты, мы ў гэтым плане адзіныя з Расіяй", - адзначыў Прэзідэнт, дадаўшы, што вельмі няпростая сітуацыя складваецца і ва Украіне.-0-
