11 кастрычніка, Душанбэ /Кар. БЕЛТА/. Цырымонія афіцыйнай сустрэчы Прэзідэнта Беларусі Аляксандра Лукашэнкі з Прэзідэнтам Таджыкістана Эмамалі Рахмонам прайшла ў Душанбэ ў Палацы Нацыі, перадае карэспандэнт БЕЛТА.
Эмамалі Рахмон сустрэў Аляксандра Лукашэнку на плошчы перад цэнтральным уваходам у палац.
У час цырымоніі з удзелам роты ганаровай варты і ваеннага аркестра Прэзідэнт Беларусі прывітаў ваеннаслужачых, а затым кіраўнікі дзяржаў накіраваліся да афіцыйных дэлегацый сваіх краін.
Пасля завяршэння традыцыйнага цырыманіялу Аляксандр Лукашэнка і Эмамалі Рахмон пайшлі на двухбаковыя перагаворы. Сустрэча пройдзе спачатку ў вузкім складзе, а затым у пашыраным фармаце з удзелам членаў дэлегацый.-0-
