ДЗЯРЖОРГАНЫДЗЯРЖОРГАНЫ
Флаг Пятніца, 24 верасня 2021
Мінск Воблачна з праясненнямі +11°C
Усе навіны
Усе навіны
Прэзідэнт
29 ліпеня 2021, 14:45

"Трэба заняць сваё месца на рынку" - Лукашэнка абазначыў галоўныя задачы ў рабоце БНК

Міхаіл Касцечка (у цэнтры), Дзмітрый Пятруша (справа)
Міхаіл Касцечка (у цэнтры), Дзмітрый Пятруша (справа)

29 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка, прымаючы рашэнне аб назначэнні Міхаіла Касцечкі генеральным дырэктарам ЗАТ "Беларуская нафтавая кампанія", абазначыў галоўныя задачы ў рабоце БНК на бліжэйшы час, перадае карэспандэнт БЕЛТА.

"Што датычыцца нафтавай кампаніі, вы ведаеце, якія там працэсы адбываюцца, асабліва ў сувязі з гэтымі адмарозкамі на Захадзе, - сказаў беларускі лідар, звяртаючыся да новага кіраўніка БНК. - Але, я думаю, няма невырашальных пытанняў. Трэба заняць сваё месца на гэтым рынку".

"Я, як чалавек дзяржаўны, за што мяне часта крытыкуюць, раблю стаўку больш за ўсё на дзяржаўныя прадпрыемствы. Думаю, вы там вызначыцеся, - прадоўжыў Прэзідэнт. - Інтарэсаў там перасякаецца шмат. Не дай бог, вы не вытрымаеце гэтага. Вы павінны быць сумленным, прыстойным і правесці дзяржаўную лінію".

Прыярытэты ў рабоце Прэзідэнт таксама абазначыў новаму генеральнаму дырэктару ААТ "Керамін" Дзмітрыю Пятрушы. Кіраўнік дзяржавы падкрэсліў, што наведваў гэта прадпрыемства, добра інфармаваны аб яго рабоце і лічыць вельмі перспектыўным. "Але ў нас ёсць шэраг пытанняў да кіраўнікоў, якія там працавалі, да кіравання гэтым прадпрыемствам. Кіраванне ніякае. Зыходзячы з мінулага года, мы бачылі шэраг недахопаў па тым, як паводзілі сябе асобныя работнікі, - звярнуў увагу Аляксандр Лукашэнка. - Усё гэта залежыць ад нас, ад упраўленцаў - якімі быць нашым падначаленым, як яны сябе паводзяць - гэта ўсё залежыць ад нас".

Кіраўнік дзяржавы перакананы, што новы кіраўнік справіцца з пастаўленымі задачамі, а дзяржава, у сваю чаргу гатова аказаць неабходную падтрымку. "У мяне гэта прадпрыемства на кантролі. Многае давялося мне там зрабіць па мадэрнізацыі. Яны робяць добрую прадукцыю, проста трэба як мае быць разгарнуцца і заняць свой рынак, - адзначыў ён. - Удасканальваць трэба, новую прадукцыю трэба, не адставаць ад моды. Працаваць там можна і трэба", - сказаў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі