21 красавіка, Аршанскі раён /Кар. БЕЛТА/. Неабходна вырашаць пытанне не толькі ўласнасці на "Амкадоры", але і даўгоў, паколькі ўласнік пакінуў прадпрыемства ў цяжкім становішчы. Аб гэтым заявіў Прэзідэнт Беларусі Аляксандр Лукашэнка, наведваючы з рабочай паездкай Аршанскі раён, перадае карэспандэнт БЕЛТА.
"Нам трэба вырашаць пытанне не толькі ўласнасці на "Амкадоры", але і даўгоў", - сказаў Прэзідэнт і звярнуў увагу на тое, што прадпрыемства знаходзіцца ў складаным становішчы з-за дзеянняў уласніка.
Кіраўнік дзяржавы пацікавіўся ў міністра лясной гаспадаркі Аляксандра Куліка, ці мае гэта прадпрыемства вялікае значэнне для сістэмы лясной гаспадаркі, на што атрымаў сцвярджальны адказ.
Міністр лясной гаспадаркі пагадзіўся, што развіццё нашай лесанарыхтоўчай і дрэваапрацоўчай прамысловасці немагчыма без шматаперацыйнай тэхнікі айчыннай вытворчасці, якую выпускаюць у тым ліку на "АМКАДОРы".
Прэзідэнт пацікавіўся ўзроўнем лакалізацыі на тэхніцы вытворчасці "АМКАДОР" і ўдакладніў, за кошт чаго ён можа быць павышаны. Было адзначана, што форвардары, выпушчаныя на "Амкадоры", - гэта даволі надзейныя машыны, здольныя служыць восем гадоў.
"Але май на ўвазе, што праз восем гадоў ты не спішаш - аднаўляць трэба", - падкрэсліў Прэзідэнт.-0-
Падпісвайцеся на нас у
