Сцяг Пятніца, 13 лістапада 2026
Усе навіны
Усе навіны
Прэзідэнт
03 лістапада 2026, 12:53

Трэба шукаць кропкі для дээскалацыі. Лукашэнка прывёў у прыклад работу Лантратавай і Лубінца па Алешках

3 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка расказаў аб удзеле краіны ў гуманітарнай місіі ў Алешках і адзначыў асаблівую ролю ўпаўнаважаных па правах чалавека Расіі і Украіны. Адпаведныя заявы кіраўнік дзяржавы зрабіў на IV Мінскай міжнароднай канферэнцыі па еўразійскай бяспецы, перадае карэспандэнт БЕЛТА.

"Расіяне з украінцамі малайцы, дамовіліся па Алешках, - сказаў Прэзідэнт. - Мы ў гэта былі ўключаны. Украінцы адкрыта заявілі: "Мы прымем адтуль (з Алешак. - Заўвага БЕЛТА) людзей толькі з тэрыторыі Беларусі". Гасподзь з вамі. Пуцін патэлефанаваў, гаворыць: трэба гэта зрабіць, дапамажы. Я гавару: "Не пытанне. Калі ласка. У Гомелі прымем, накормім, падлечым, адправім куды трэба".

Кіраўнік дзяржавы звярнуў асаблівую ўвагу на ролю ўпаўнаважаных па правах чалавека Расіі і Украіны Яны Лантратавай і Дзмітрыя Лубінца ў гуманітарнай місіі ў Алешках. "Вось усе гавораць: што рабіць, што рабіць (для мірнага ўрэгулявання канфлікту. - Заўвага БЕЛТА)? Не трэба выдумляць - на іх паглядзіце, - падкрэсліў Аляксандр Лукашэнка. - Іх кантакты даўнія, яны вядуць перагаворы. Яны цяпер на вастрыі аказаліся па волі лёсу".

"Давайце будзем рабіць тое, што яны цяпер зрабілі, - расіянка і ўкраінец. У гэтым напрамку трэба рухацца. Трэба пашыраць такія калідоры і шукаць такія кропкі, дзе можна ісці на дээскалацыю", - заявіў беларускі лідар.-0-
Топ-навіны
Свежыя навіны Беларусі