24 лістапада, Ерэван /Кар. БЕЛТА/. Краінам Арганізацыі Дагавора аб калектыўнай бяспецы неабходна абмеркаваць пытанні біялагічнай бяспекі. Аб гэтым Прэзідэнт Беларусі Аляксандр Лукашэнка заявіў на пленарным пасяджэнні сесіі Савета калектыўнай бяспекі АДКБ у Ерэване, паведамляе карэспандэнт БЕЛТА.
"У кантэксце ўзрастаючай актуальнасці праблематыкі біялагічнай бяспекі прапануем правесці ў Беларусі пасяджэнне адпаведнага Каардынацыйнага савета ўпаўнаважаных органаў дзяржаў - членаў арганізацыі. Я кажу пра біялагічную бяспеку і правядзенне ў Мінску адпаведнага мерапрыемства, але нам трэба ўсё ж такі сумленна адзін аднаму сказаць. Часта мы гаворым, Уладзімір Уладзіміравіч, пра біялагічныя лабараторыі. Па-мойму, толькі ў нас і ў вас іх няма, але на тэрыторыі некаторых дзяржаў АДКБ яны існуюць. Таму трэба ў Мінску нам абмеркаваць і неяк дамовіцца па гэтым пытанні, інакш гэта будзе чарговая гаварыльня", - сказаў Аляксандр Лукашэнка.
"Гэта ж не жарт - біялагічная бяспека. Агітуем адзін аднаго, а ў некаторых краінах гэтыя амерыканскія ці іншых краін лабараторыі існуюць. Так, як ва Украіне - некалькі іх выявілі", - дадаў Прэзідэнт.-0-
