ДЗЯРЖОРГАНЫДЗЯРЖОРГАНЫ
Флаг Субота, 21 мая 2022
Мінск +14°C
Усе навіны
Усе навіны
Прэзідэнт
29 снежня 2021, 10:10

"Тэлефанаваў маім сябрам, калегам, сваякам". Эйсмант аб тым, як журналіст CNN дабіваўся інтэрв'ю з Лукашэнкам

Мэцью Чанс. Фота з архіва
Мэцью Чанс. Фота з архіва

29 снежня, Мінск /Кар. БЕЛТА/. Прэс-сакратар Прэзідэнта Беларусі Наталля Эйсмант у эфіры праекта "Паспець да паўночы" на тэлеканале "Беларусь 1" расказала аб тым, як настойліва журналіст CNN Мэцью Чанс дабіваўся інтэрв'ю з кіраўніком беларускай дзяржавы Аляксандрам Лукашэнкам, паведамляе БЕЛТА.

Наталля Эйсмант нагадала, што просьба аб інтэрв'ю ад CNN прагучала ў жніўні ў час "Вялікай размовы з Прэзідэнтам". "Тады задалі сваё пытанне, адно са многіх аднолькавых, і пры гэтым папрасілі ў кіраўніка дзяржавы інтэрв'ю. Гэта проста бяспройгрышны варыянт. Вядома, Прэзідэнт ім у прамым эфіры на ўвесь свет гэта інтэрв'ю паабяцаў", - сказала прэс-сакратар.

Але да 9 жніўня 2021 года, паводле слоў Наталлі Эйсмант, была яшчэ даволі вялікая і вельмі цікавая гісторыя. "Мэцью Чанс чалавек вельмі настойлівы ў гэтым плане. Пачынаючы недзе са студзеня - лютага 2021 года ён настойліва пісаў, тэлефанаваў. Не толькі непасрэдна мне. Але і маім сябрам, маім калегам, маім сваякам, знайшоўшы іх нумары тэлефонаў. У першую чаргу, вядома, я маю на ўвазе старшыню Белтэлерадыёкампаніі, майго мужа, але тым не менш. І па ўсіх існуючых каналах ён дамаўляўся аб арганізацыі гэтага інтэрв'ю. Запэўніваючы проста, што гэта цалкам унікальны шанц для нас для ўсіх зрабіць так, каб увесь заходні свет пачуў Прэзідэнта Беларусі", - расказала яна.

"Тое, што было далей, усім даўно вядома. Само інтэрв'ю прайшло таксама вельмі спецыфічна", - заўважыла прэс-сакратар.

Яна не выключае, што заходнія журналісты ў тым ліку паралельна асвойваюць і акцёрскае майстэрства. "Таму што яны да нас прыязджаюць і кожны мае свой абсалютна ярка выяўлены і вельмі сур'ёзна вывераны вобраз. Я заканчвала Беларускую дзяржаўную акадэмію мастацтваў і ведаю, пра што гавару. Яны гэты вобраз вытрымліваюць з пачатку да канца, незалежна ад таго, як ідзе інтэрв'ю. Гэта не можа не наводзіць на пэўныя думкі", - сказала Наталля Эйсмант.

Прэс-сакратар расказала, што пасля інтэрв'ю журналісту CNN Мэцью Чансу Аляксандр Лукашэнка сказаў, што гэта быў адзін з самых падрыхтаваных журналістаў за ўсю яго прэзідэнцкую дзейнасць. "Тут я скажу, пакінуўшы шматкроп'е, што не толькі ў журналісцкім плане гэты чалавек быў падрыхтаваны. Але гэта наша меркаванне. Вядома, у першую чаргу Мэцью здзівіў менавіта гэтым спалучэннем: такой зусім нейкай нястрымнай настойлівасці і таго прадукту, які гэты журналіст выдаў у эфіры. Проста, шчыра кажучы, гэта нам, напэўна, складана ўявіць. Ты прыкладаеш такія намаганні, каб потым выдаць тое, што выйшла... Няхай так. І для нас для ўсіх гэта таксама вопыт", - рэзюмавала прэс-сакратар.

Яна таксама ўспомніла і пра інтэрв'ю Аляксандра Лукашэнкі "Бі-бі-сі", якое было потым. Аб ім таксама прасілі даволі даўно, але абсалютна ў класічным фармаце - прысылалі запыты ў прэс-службу Прэзідэнта, МЗС. Так здарылася, што перад інтэрв'ю на беларуска-польскай граніцы па сітуацыі з бежанцамі працавала менавіта тая здымачная група, якая запытвала інтэрв'ю.

"Мы паглядзелі іх рэпартажы. Адносна агульнай рыторыкі паўтарагадовай у дачыненні да Беларусі ў заходніх СМІ, гэтыя рэпартажы былі дастаткова ўзважанымі. І плюс, вядома, мы разлічвалі, што сваю ролю адыграе наша адкрытасць. Таму што яны выдатна разумелі, што сотні журналістаў знаходзяцца з беларускага боку, а з польскага не знаходзіцца нікога, - адзначыла Наталля Эйсмант. - На фоне ўсяго, што адбываецца, мы падумалі: ну добра, людзі будуць вяртацца, яны ўсё бачылі на свае вочы, ну пойдзем насустрач. Арганізуем ім размову, паглядзім, што з гэтага атрымаецца. Што з гэтага атрымалася, таксама, вядома, усе бачылі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі