Лукашэнка аб адносінах Беларусі з Украінай: яны залежаць толькі ад нас саміх

26 верасня, Мінск /Кар. БЕЛТА/. Прэзідэнт Беларусі Аляксандр Лукашэнка правёў сёння сустрэчу з прадстаўнікамі ўкраінскіх СМІ, перадае карэспандэнт БЕЛТА.

На сустрэчу з кіраўніком беларускай дзяржавы прыехалі прадстаўнікі інфармацыйных агенцтваў "Укрінфарм" і "Інтэрфакс-Украіна", тэлеканалаў "Украіна", "112 Украіна" і "1+1", газеты "Правительственный курьер".

"Мы ўпершыню, на жаль, сустракаемся ў фармаце прамой размовы з прадстаўнікамі такіх буйных сродкаў масавай інфармацыі Украіны. Гэта добрая практыка, і я прапанаваў бы такую сустрэчу зрабіць традыцыяй. Па-першае, я даведваюся вельмі шмат ад вас аб тым, што адбываецца цяпер ва Украіне. З другога боку, у мяне ёсць магчымасць без усялякіх крыватолкаў, выдумак данесці сваю пазіцыю па фундаментальных пытаннях нашых адносін, - сказаў Прэзідэнт. - Тут вы прадстаўляеце не толькі сродкі масавай інфармацыі, але і ўвесь народ Украіны. І для нас гэта сустрэча - магчымасць сумленнага і адкрытага дыялогу".

Аляксандр Лукашэнка падкрэсліў, што беларусы і ўкраінцы настолькі цесна звязаны агульнымі каранямі - гістарычнымі, духоўнымі, сямейнымі, што не маюць права страціць гэта адзінства. "Мы проста абавязаны захаваць гэту славянскую кроўную роднасць дзеля будучых пакаленняў. Перадаць яе дзецям у імя захавання міру і стабільнасці на нашых землях, - упэўнены кіраўнік дзяржавы. - Мы заўсёды адчувалі падтрымку адзін аднаго, нягледзячы на тыя ўзрушэнні, якімі нас выпрабоўваў і выпрабоўвае час. Але мы ведаем, што нам па сілах разам пераадолець усе цяжкасці і знайсці рашэнні на карысць нашых краін і народаў".

Прэзідэнт адзначыў, што Украіна - важнейшы сусед Беларусі, адзін з галоўных гандлёва-эканамічных партнёраў, і менавіта таму адносіны з ёй заўсёды былі ў прыярытэце. Беларусь і Украіна супрацоўнічаюць па шырокім спектры пытанняў: міжнародная бяспека, эканоміка і гандаль, культура, навука, спорт, гуманітарныя праекты. І кожны з гэтых напрамкаў мае вельмі істотнае значэнне, падкрэсліў Аляксандр Лукашэнка.

Лукашэнка аб транзіце ўлады: наступны Прэзідэнт будзе выбраны толькі народам

Аляксандр Лукашэнка адзначыў, што будзе працаваць на пасадзе Прэзідэнта столькі, колькі людзі давераць. "І пакуль ёсць здароўе. Калі нездаровы, дык няма чаго сюды лезці. Галоўнае - здароўе і давер людзей", - лічыць ён. Чытаць далей

Лукашэнка: у Беларусі няма патэнцыяльных ворагаў, але мы гатовы адбіць пагрозу з любых напрамкаў

"Мы вельмі акуратна выбудоўваем сваю ваенную палітыку і гатовы адбіць пагрозу з любых напрамкаў. Таму ў нас і армія не такая, як ва Украіне або Расіі: у нас няма велізарных часцей, якія могуць быць выстраены франтамі, - у нас выключна мабільныя часці і тэрытарыяльная абарона, куды мы можам прызваць паўмільёна чалавек, - расказаў Аляксандр Лукашэнка, - расказаў Аляксандр Лукашэнка. - У нас пакуль няма патэнцыяльных ворагаў". Чытаць далей

Лукашэнка: Форум рэгіёнаў Беларусі і Украіны значны не толькі для абедзвюх краін, але і мяне асабіста

Аляксандр Лукашэнка адзначыў, што цяперашняе мерапрыемства праводзіцца напярэдадні II Форуму рэгіёнаў Беларусі і Украіны, які пройдзе ў Жытоміры ў пачатку кастрычніка. "Гэты праект вельмі значны не толькі для нашых краін, але і, адкрыю сакрэт, для мяне асабіста", - прызнаўся Прэзідэнт. Чытаць далей

Лукашэнка пра маючую адбыцца сустрэчу з Зяленскім: мы з ім агульную мову знойдзем

Прэзідэнт Беларусі Аляксандр Лукашэнка разлічвае, што ў час маючай адбыцца сустрэчы з Прэзідэнтам Украіны Уладзімірам Зяленскім на Форуме рэгіёнаў дзвюх краін у Жытоміры кіраўнікам дзяржаў удасца бліжэй азнаёміцца з пазіцыяй адзін аднаго.

Лукашэнка падкрэслівае прынцыповую важнасць выканання дамоўленасцей паміж Беларуссю і Украінай

"Падкрэсліваю, гэта пытанне жыцця і смерці - пытанне абавязковасці выканання кожнай дамоўленасці. Будзе гэта - паверце, у нас адносіны будуць развівацца", - сказаў Аляксандр Лукашэнка. Чытаць далей

Лукашэнка: Украіна павінна быць адзінай і непадзельнай

"Не трэба драматызаваць сітуацыю, што недзе жывуць венгры ва Украіне, палякі і іншыя. Гэта ўкраінскія венгры, гэта ўкраінскія палякі. Я так гэта разумею. Няхай на мяне ні венгры, ні палякі не пакрыўдзяцца. І для мяне свята: Украіна павінна быць адзінай і непадзельнай, - падкрэсліў кіраўнік дзяржавы. - На гэтай платформе ў гарачыя аанаўскія дні або без іх мы будзем будаваць адносіны з нашымі суседзямі, і перш за ўсё з нашай Украінай". Чытаць далей

Лукашэнка: улада ва Украіне павінна рабіць усё дзеля міру і цэласнасці краіны

"Трэба рабіць любыя крокі для таго, каб вайна была спынена і гэта тэрыторыя пачынала вяртацца да Украіны", - сказаў Аляксандр Лукашэнка.

Лукашэнка аб сустрэчы Трампа і Зяленскага: яны спадабаліся адзін аднаму

Прэзідэнт Беларусі Аляксандр Лукашэнка лічыць, што праведзеная напярэдадні сустрэча ў Нью-Ёрку прэзідэнтаў ЗША і Украіны Дональда Трампа і Уладзіміра Зяленскага прайшла добра.

Для аднаўлення суднаходства па Дняпры патрэбны больш актыўныя дзеянні ўкраінскага боку - Лукашэнка

"Гэты порт (там мы прыцягнулі і прыватныя інвестыцыі), ён фактычна гатовы прымаць судны. Калі ўбачым, што Украіна вельмі зацікаўлена, мы тут дабавім, зробім порт і вырашым іншыя пытанні на яшчэ больш высокім узроўні", - адзначыў Аляксандр Лукашэнка.

Лукашэнка: занадта шмат пустых і няправільных размоў аб інтэграцыі Беларусі і Расіі

"Мы суверэнныя і незалежныя. Гэта наша права, як выбудоўваць гэту палітыку, - падкрэсліў беларускі лідар. - Мы як ёсць суверенныя, так і будзем суверенныя. Мы будзем толькі ўмацоўваць суверэнітэт і незалежнасць, чаго б нам гэта ні каштавала". Чытаць далей

Беларусь прапрацоўвае варыянты пастаўкі нафты з рынкаў, альтэрнатыўных расійскаму

Кіраўнік дзяржавы, у прыватнасці, упамянуў аб падатковым манеўры ў нафтавай сферы Расіі, адзначыўшы, што Беларусь у выніку гэтага вымушана ў тым ліку шукаць альтэрнатыўныя варыянты паставак.

Лукашэнка: у Пуціна няма мэты любой цаной захаваць сябе ва ўладзе

Кіраўнік дзяржавы заклікаў адкінуць разважанні, быццам Уладзімір Пуцін за кошт нібыта далучэння Беларусі да РФ хацеў бы прадоўжыць свае паўнамоцтвы.

Лукашэнка на пытанне, ці верне Расія Украіне Крым: "Мне здаецца, не"

"Няма такой сілы, якая супраць жадання Расіі, можа гэта зрабіць", - заявіў кіраўнік дзяржавы аб верагоднасці сілавога або іншага вяртання Крыма.

Лукашэнка не бачыць пагроз для суверэнітэту Беларусі ў супрацоўніцтве з Кітаем

Прэзідэнт падкрэсліў, што не лічыць супрацоўніцтва з Кітаем пагрозай для суверэнітэту Беларусі. У той жа час, заўважыў ён, у беларуска-кітайскім партнёрстве, як і ў любых міждзяржаўных адносінах, ёсць свая мяжа, якую бакі не будуць пераходзіць. Чытаць далей

Лукашэнка: свае тэлефонныя перагаворы не запісваю

Адно з пытанняў датычылася таго, што Белы дом апублікаваў расшыфроўку тэлефоннай размовы прэзідэнтаў Украіны і ЗША Уладзіміра Зяленскага і Дональда Трампа.

"Паміж людзьмі хімія павінна быць" - Лукашэнка расказаў аб адносінах з Пуціным, Парашэнкам і Такаевым

Цёплыя і шчырыя адносіны, расказаў Аляксандр Лукашэнка, звязваюць яго і з прэзідэнтам Расіі Уладзімірам Пуціным.

Лукашэнка гатовы на ўзаемнай аснове вырашыць пытанне з вызваленнем Шаройкі і Палітыкі

Паводле слоў беларускага лідара, наконт гэтага нават былі дамоўленасці з былым прэзідэнтам Украіны Пятром Парашэнкам, аднак украінскі бок не выканаў дамоўленасці.

Падпісвайцеся на нас у

Twitter