5 чэрвеня, Мінск /Уладзімір Мацвееў - БЕЛТА/. Сустрэча Прэзідэнта Беларусі Аляксандра Лукашэнкі і прэм'ер-міністра Венгрыі Віктара Орбана праходзіць у Палацы Незалежнасці ў Мінску, перадае карэспандэнт БЕЛТА.
Венгерскі лідар наведвае Беларусь з першым афіцыйным візітам. Перагаворам папярэднічае афіцыйная цырымонія сустрэчы.
Як паведамлялася, лідары краін абмяркуюць пытанні развіцця гандлёва-эканамічнага супрацоўніцтва, рэалізацыі сумесных праектаў. Беларусь і Венгрыя ўжо маюць добры зачын у развіцці адносін, аднак ёсць вялікі патэнцыял для пашырэння ўзаемадзеяння ў розных сферах.
Акрамя таго, на перагаворах будзе абмяркоўвацца супрацоўніцтва па лініі Беларусь-ЕС, у тым ліку ў фармаце "Усходняга партнёрства". У цэнтры ўвагі таксама будуць сітуацыя ў рэгіёне і свеце, падыходы да вырашэння найбольш актуальных праблем.
У прэс-службе Прэзідэнта Беларусі напярэдадні выказалі ўпэўненасць, што візіт Віктара Орбана стане важным этапам у развіцці беларуска-венгерскіх адносін.-0-
