Сцяг Чацвер, 28 сакавіка 2024
Усе навіны
Усе навіны
Прэзідэнт
18 мая 2020, 18:01

Супрацоўнікам устаноў сацабслугоўвання будзе назначана надбаўка за работу ва ўмовах эпідсітуацыі

18 мая, Мінск /Кар. БЕЛТА/. Работнікам устаноў сацабслугоўвання будзе назначана надбаўка за работу ва ўмовах эпідэміялагічнай сітуацыі. Гэта прадугледжана ўказам "Аб матэрыяльным стымуляванні работнікаў арганізацый, якія аказваюць сацыяльныя паслугі", які падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе беларускага лідара.

Указам прадугледжана ўстанаўленне надбаўкі работнікам дзяржаўных устаноў сацыяльнага абслугоўвання, якія працуюць з пацыентамі з інфекцыйнымі захворваннямі і асобамі, аднесенымі да кантактаў першага ўзроўню, якія па медыцынскіх паказаннях не адпраўлены ва ўстановы аховы здароўя, пры рабоце вахтавым метадам.

Гэта надбаўка ўстанаўліваецца дыферэнцыравана ў залежнасці ад катэгорыі работнікаў і ступені іх кантакту з інфіцыраванымі.

Пры выяўленні ў арганізацыях выпадкаў інфекцый і кантактаў з інфіцыраванымі, а таксама асобамі, аднесенымі да кантактаў першага ўзроўню, надбаўка ўрачам-спецыялістам складзе Br1,5 тыс., медработнікам з сярэдняй спецыяльнай медыцынскай адукацыяй - Br1,3 тыс., іншым работнікам - Br900.

Пры адсутнасці выяўленых у арганізацыях выпадкаў інфекцый і (або) асоб, аднесеных да кантактаў першага ўзроўню, адпаведныя надбаўкі складуць: урачам-спецыялістам - Br500, медработнікам з сярэдняй спецыяльнай медыцынскай адукацыяй - Br400, іншым работнікам - Br250.

Указам таксама прадугледжана, што работнікам сацыяльнага абслугоўвання пры рабоце вахтавым метадам прадастаўляюцца памяшканні для пражывання ў арганізацыях, выплачваецца кампенсацыя ў адпаведнасці з заканадаўствам.

Дакумент уступае ў сілу пасля яго афіцыйнага апублікавання, распаўсюджвае сваё дзеянне на праваадносіны, што ўзніклі з 1 красавіка 2020 года, і дзейнічае да прызнання яго страціўшым сілу.-0-

Падпісвайцеся на нас у
Twitter
Топ-навіны
Свежыя навіны Беларусі