20 снежня, Мінск /Кар. БЕЛТА/. Прэзідэнт Беларусі Аляксандр Лукашэнка бачыць вялікія магчымасці сумеснай работы з Расіяй у сферы імпартазамяшчэння. Аб гэтым ён заявіў па выніках перагавораў з расійскім лідарам, перадае карэспандэнт БЕЛТА.
"Калі заходнія партнёры сышлі, мы аказаліся для вялікай Расіі запатрабаванымі. А гэта наша агульнае, што мы стваралі зусім нядаўна. Вось адсюль мы нешта можам. І калі мы патрэбны (а цяпер Расія выявіла - мы ім патрэбны на расійскім рынку), мы ідзём туды і замяшчаем тых, хто сышоў. Яшчэ трохі часу, і мы іх замесцім. Мы разам з расіянамі - вучонымі, канструктарамі - створым такія ўзоры, якіх не бачыў свет. І гэта не замашкі нейкія нерэальныя. Мы ўжо шмат зрабілі. Мы не абваліліся, як нам прадказвалі, на 20-25 працэнтаў ВУП", - заявіў Аляксандр Лукашэнка.
У сваю чаргу Прэзідэнт Расіі адзначыў: "Цяпер, калі з нашага рынку некаторыя нашы заходнія партнёры выходзяць, сапраўды, для беларускіх вытворцаў адкрываюцца вокны магчымасцей. І беларускі тавар вельмі добра ідзе на расійскім рынку".-0-
