28 студзеня, Мінск /Кар. БЕЛТА/. Кіраўнік дзяржавы Аляксандр Лукашэнка сёння ў Пасланні беларускаму народу і Нацыянальнаму сходу назваў ключавыя прынцыпы пабудовы сацыяльнай палітыкі ў Беларусі, перадае карэспандэнт БЕЛТА.
"Беларусь адбылася як сацыяльная дзяржава. У краіне створаны трывалы, бесперабойны механізм дапамогі і клопату аб людзях, узаемападтрымкі, забеспячэння сацыяльнай справядлівасці. На гэтым выхоўваецца грамадства", - сказаў Аляксандр Лукашэнка.
Кіраўнік дзяржавы адзначыў, што палітыка краіны пабудавана на простых і зразумелых прынцыпах. "Першы прынцып - справядлівасць. Мы адчулі, наколькі ён важны. Яшчэ тры-чатыры гады таму я сказаў, што попыт на справядлівасць з'явіўся і будзе ўзрастаць. Рэалізацыя гэтага прынцыпу дала магчымасць забяспечыць збалансаванае размеркаванне сацыяльных даброт, роўны доступ, наколькі гэта магчыма, да іх кожнага беларуса, - канстатаваў ён. - Другі прынцып - адказнасць. Дзяржава паслядоўна выконвае абавязацельствы перад грамадствам, гарантуючы ўсебаковую і маштабную падтрымку на працягу жыцця чалавека".
У сваю чаргу трэцім прынцыпам з'яўляецца клопат. "Выяўляецца ён у шырокай і разгалінаванай сістэме сацыяльнай дапамогі сацыяльна слабаабароненым катэгорыям насельніцтва і людзям, якія трапілі ў складаную жыццёвую сітуацыю", - дадаў беларускі лідар.-0-
