Сяргей Чыжык вызвалены з пасады першага намесніка старшыні Прэзідыума НАН Беларусі

30 чэрвеня, Мінск /Кар. БЕЛТА/. Сяргей Чыжык вызвалены з пасады першага намесніка старшыні Прэзідыума Нацыянальнай акадэміі навук Беларусі. Адпаведны ўказ нумар 259 падпісаў 30 чэрвеня кіраўнік дзяржавы Аляксандр Лукашэнка, паведамілі БЕЛТА ў прэс-службе Прэзідэнта.

Кадравыя змяненні ў кіраўніцтве Нацыянальнай акадэміі навук Аляксандр Лукашэнка анансаваў на нядаўняй нарадзе з кіраўніцтвам Адміністрацыі Прэзідэнта. Тады кіраўнік дзяржавы даў зразумець, што назначэнне 22 мая Уладзіміра Караніка старшынёй Прэзідыума НАН - гэта не адзінае кадравае змяненне і будуць іншыя. "У сувязі са змяненнямі, якія адбыліся і адбудуцца ў кіраўніцтве Акадэміі навук (неабходна правесці тэматычную нараду. - Заўвага БЕЛТА). Адбудуцца - гэта таксама тэма, якая датычыцца не толькі мяне, але і вас перш за ўсё", - сказаў ён.

Прэзідэнт паведаміў, што ў планах на бліжэйшы час правесці нараду па дзейнасці НАН і з'езд вучоных. "За навуку трэба брацца сур'ёзна. Гэта сфера ў Адміністрацыі Прэзідэнта практычна выключана, і я яе не бачу ў рабоце па арганізацыі працэсу навуковай дзейнасці, асабліва атрымання вынікаў", - сказаў Аляксандр Лукашэнка.-0-