ДЗЯРЖОРГАНЫДЗЯРЖОРГАНЫ
Субота, 4 ліпеня 2020
Мінск Малавоблачна +16°C
Усе навіны
Усе навіны
Прэзідэнт
02 чэрвеня 2020, 15:10

Сівак далажыў Лукашэнку аб сітуацыі ў Мінску і горадабудаўнічых праектах

Аляксандр Лукашэнка і Анатоль Сівак
Аляксандр Лукашэнка і Анатоль Сівак

2 чэрвеня, Мінск /Уладзімір Мацвееў - БЕЛТА/. Рэалізацыя ў Мінску шэрага горадабудаўнічых праектаў і сітуацыя ў горадзе ў цэлым абмяркоўваліся сёння на сустрэчы Прэзідэнта Беларусі Аляксандра Лукашэнкі са старшынёй Мінскага гарадскога выканаўчага камітэта Анатолем Сіваком, перадае карэспандэнт БЕЛТА.

Кіраўнік дзяржавы адзначыў, што асноўнае пытанне, якое ён хацеў бы абмеркаваць, - будаўніцтва шматфункцыянальнага комплексу "Мінск-Мір". Як дакладваюць Прэзідэнту, работы вядуцца згодна з графікам, аднак Аляксандр Лукашэнка пацікавіўся, ці ёсць якія-небудзь праблемы. "Але больш за ўсё мяне хвалюе ўзвядзенне грамадскіх будынкаў - фінансавага цэнтра, часткова гандлёва-забаўляльны цэнтр - такіх, якія сёння не прадаш і хуткія грошы не атрымаеш. Жыллё - гэта зразумела. Жыллё добрае будуюць, малайцы. Але ж трэба займацца і астатнімі аб'ектамі. Як там з інфраструктурай? І ці ўкладваемся мы наогул у тэрміны будаўніцтва?" - абазначыў тэму для размовы беларускі лідар.

Другое пытанне было ініцыявана самім кіраўніцтвам Мінгарвыканкама і датычылася размяшчэння Нацыянальнага гістарычнага музея Беларусі. "Што мы будзем рабіць з будынкам гістарычнага музея: новы будынак у перспектыве будаваць або гэты рамантаваць ці расшыраць? Гэта ўжо ініцыятыва Мінгарвыканкама. Я гатовы да абмеркавання", - сказаў Прэзідэнт.

Яшчэ адна тэма сустрэчы - магчымае будаўніцтва ў Мінску шматфункцыянальнай клінічнай бальніцы. "Што будзем рабіць - будаваць ці не будаваць? Можа, перафармаціруем неяк наогул сістэму аховы здароўя (у сталіцы. - Заўвага БЕЛТА). Зразумела, што сёння ж мы не пабудуем. Сёння не да гэтага. Але тым не менш на перспектыву павінны бачыць", - адзначыў кіраўнік дзяржавы.

Ён таксама пацікавіўся ў Анатоля Сівака ў цэлым сітуацыяй у горадзе. "Я чакаю ад цябе і ад праваахоўнікаў поўнага парадку ў горадзе-героі Мінску. Ні ў якім разе нельга перашкаджаць людзям жыць", - заявіў Аляксандр Лукашэнка.

Прэзідэнт адзначыў, што Мінск - гэта чысты, утульны, зручны і прыгожы горад, дзе ёсць магчымасць для сямейных прагулак з дзецьмі, разнастайных заняткаў фізкультурай і спортам. "Але вось жа карціць некаму. Таму якая тут сітуацыя?" - пацікавіўся кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі