Аляксандр Лукашэнка ў час наведвання вёскі Закозель, 2005 год
29 ліпеня, Мінск /Кар. БЕЛТА/. "У гэтай пяцігодцы мы зрабілі галоўнае: рэалізаваліся як суверэнная і незалежная беларуская дзяржава. Мы пераканаліся самі і чарговы раз даказалі ўсяму свету - беларускаму народу жыць у сваёй краіне!". З такімі словамі Аляксандр Лукашэнка звярнуўся да беларусаў 31 снежня 2005 года. Ужо тады, амаль 20 гадоў таму, самым важным для Прэзідэнта было ўмацаванне суверэнітэту і незалежнасці нашай краіны. Завяршаючы пяцігодку год сапраўды быў багаты на гучныя падзеі. Менавіта пра іх мы і раскажам у новым выпуску YouTube-праекта "Як гэта было".
"У мяне часта пытаюць: у чым наш нацыянальны здабытак? Чым ганарыцца народ Беларусі? Адказ дае жыццё. Гэта вынікі нашай з вамі агульнай працы! Удумайцеся! За пяць гадоў мы павялічылі ў 1,5 раза вытворчасць ВУП, а за апошнія 10 гадоў - у два разы!", - заўважыў кіраўнік дзяржавы, падводзячы вынікі 2005 года ў сваім навагоднім звароце.
"Лічыце, як сабе вы будуеце. Таму і падыходзіць да гэтага будаўніцтва трэба з такіх пазіцый. Я ўжо гаварыў: чаго не хапае ў такіх дамах, асабліва ў сялянскім доме? Вы ж разумееце, колькі бруднага адзення, колькі спецадзення, колькі дзяцей. Не хапае вось гэтых шаф, дзе тое адзенне размясціць і гэтак далей. Нават у горадзе ў такім доме. Таму абавязкова трэба рабіць падвальнае памяшканне, добра ізаляваўшы яго. Нікто не гаворыць, што аддзелка трэба. Зрабіце з фундаментных блокаў акуратненька, выбудуйце, падтынкуйце. Няхай у яго будзе гэта памяшканне пад асноўным домам. Там кацялок паставіце для ацяплення. І зрабіце мансардавы дах. Таксама не трэба нічога рабіць, проста абабіце - і ўсё. Гэта будзе рэзерв у чалавека", - даручыў Прэзідэнт.
Гэты год запомніўся і гучнымі візітамі. Аляксандр Лукашэнка пабываў у Пекіне і Нью-Ёрку. Адносіны паміж Беларуссю і Кітаем тады выйшлі на якасна новы ўзровень. Дарэчы, нашу дэлегацыю дапусцілі на важнейшы стратэгічны аб'ект Паднябеснай - у Акадэмію касмічнай тэхнікі. А ў ЗША Прэзідэнт прыняў удзел у саміце ААН. Яшчэ тады ўсяму свету было аб'яўлена: Беларусь хоча міру і стабільнасці, астатняга беларусы даб'юцца самі.
Да 2005 года наша краіна канчаткова адышла ад узрушэнняў, з якімі сутыкнуліся ўсе краіны постсавецкай прасторы ў дзевяностых. Больш таго, па ВУП на душу насельніцтва Беларусь заняла адно з вядучых месцаў у СНД. Зарплаты і пенсіі павышаліся, а аўтамабіль з'явіўся ў кожнай другой беларускай сям'і.
Зварот Аляксандра Лукашэнкі да беларусаў 31 снежня 2005 года
На самай справе, вынікі працы за пяцігодку былі, што называецца, відавочнымі. Не стаў выключэннем і 2005-ы. Знакаміты БЕЛАЗ заявіў пра сябе на ўвесь свет, выпусціўшы самы магутны грузавік. Вясной 2005 года пачалася рэканструкцыя цэнтра "Маці і дзіця". А 30 снежня, напярэдадні Новага года, запусцілі ў эксплуатацыю мадэрнізаваны энергаблок нумар 3 Бярозаўскай ДРЭС.
Беларускі аўтамабільны завод упершыню прадставіў кар'ерны самазвал "БелАЗ-75600" грузападымальнасцю 320 т
Развівалася і сацыяльная сфера. Адным з ключавых пытанняў стала адраджэнне і развіццё вёскі. Гэта сёння можна ўпэўнена гаварыць, што вёску ў Беларусі ўдалося выратаваць. Тады ж, у 2005-м, трэба было правесці вялікі аб'ём работы. Паказальным стаў візіт Аляксандра Лукашэнкі ў вёску Закозель Драгічынскага раёна. У аграгарадках пачыналі ўжо з'яўляцца ўчасткі з аднатыпнай забудовай. Пазней у народзе такія домікі назавуць "прэзідэнцкімі". Аляксандр Лукашэнка ў тым жа Драгічынскім раёне на месцы апісаў патрабаванні да архітэктуры такіх катэджаў.
Аляксандр Лукашэнка ў час наведвання вёскі Закозель, 2005 год
З пачатку таго ж 2005 года пачаў дзейнічаць указ "Аб узмацненні матэрыяльнай падтрымкі сем'яў пры нараджэнні дзяцей". За трэцяга і наступнага дадаткова пачынаюць выплачваць дапамогу ў памеры трохразовага пражытачнага мінімуму. У цэлым план быў больш шырокі - падцягнуць тэхналагічны ўзровень усёй сістэмы аховы здароўя.
У час адкрыцця гісторыка-культурнага комплексу "Лінія Сталіна", 2005 год
А яшчэ 2005 год - гэта год 60-годдзя Перамогі ў Вялікай Айчыннай вайне. Тады Прэзідэнт паабяцаў беларусам зрабіць усё магчымае, каб Узброеныя Сілы нашай краіны адпавядалі новым выклікам 21 стагоддзя. Як бачыце, гэта абяцанне было нават перавыканана. А падарункам беларусам да 60-годдзя Вялікай Перамогі стала адкрыццё гісторыка-культурнага комплексу "Лінія Сталіна". На адкрыццё прыехаў і Аляксандр Лукашэнка.
Аляксандр Лукашэнка выступае на спецыяльным пленарным пасяджэнні высокага ўзроўню 60-й сесіі Генеральнай Асамблеі ААН, 2005 год
Гэты год запомніўся і гучнымі візітамі. Аляксандр Лукашэнка пабываў у Пекіне і Нью-Ёрку. Адносіны паміж Беларуссю і Кітаем тады выйшлі на якасна новы ўзровень. Дарэчы, нашу дэлегацыю дапусцілі на важнейшы стратэгічны аб'ект Паднябеснай - у Акадэмію касмічнай тэхнікі. А ў ЗША Прэзідэнт прыняў удзел у саміце ААН. Яшчэ тады ўсяму свету было аб'яўлена: Беларусь хоча міру і стабільнасці, астатняга беларусы даб'юцца самі.
Вядома ж, гэта далёка не ўсе падзеі, якімі запомніўся 2005 год. Аб гэтым і многім іншым глядзіце ў нашым праекце "Як гэта было" на YouTube-канале БЕЛТА.-0-
Падпісвайцеся на нас у
