ДЗЯРЖОРГАНЫДЗЯРЖОРГАНЫ
Серада, 20 студзеня 2021
Мінск Пераменная воблачнасць -11°C
Усе навіны
Усе навіны
Прэзідэнт
13 студзеня 2021, 14:57

"Сапраўдны падарунак для ўсіх беларусаў" - Лукашэнка павіншаваў Сабаленка з перамогай на турніры ў Абу-Дабі

Арына Сабаленка. Фота j48tennis.net
Арына Сабаленка. Фота j48tennis.net

13 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў члена нацыянальнай каманды па тэнісе Арыну Сабаленка з перамогай на турніры ў Абу-Дабі. Аб гэтым БЕЛТА паведамілі ў прэс-службе кіраўніка дзяржавы.

"Гэты трыумф у Абу-Дабі стаў сапраўдным падарункам для ўсіх беларусаў да старога Новага года. Мы з гонарам сочым за серыяй перамог, якая ўражвае, і верым, што мэтанакіраванасць, працавітасць і нязломны характар абавязкова прывядуць цябе да галоўнай вяршыні - тытулу першай ракеткі свету", - гаворыцца ў віншаванні.

Аляксандр Лукашэнка пажадаў Арыне Сабаленка моцнага здароўя і новых дасягненняў на славу Беларусі.

Як паведамлялася, дзясятая ракетка свету беларуская тэнісістка Арына Сабаленка стала пераможцай турніру ў Абу-Дабі з прызавым фондам $565,5 тыс. Вырашальны паядынак першага ў сезоне вялікага турніру супраць расіянкі Веранікі Кудзярметавай беларуска правяла вельмі ўпэўнена, выйграўшы ў двух сэтах.

Цяпер у актыве Арыны Сабаленка дзевяць чэмпіёнскіх тытулаў пад эгідай WTA. Дзякуючы паспяховаму выступленню ў Абу-Дабі яна паднімецца на сёмае месца ў сусветным рэйтынгу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі