6 снежня, Мінск /Кар. БЕЛТА/. Расія паставіць Беларусі ракетны комплекс "Арэшнік". Такое рашэнне прынята 6 снежня прэзідэнтамі Беларусі і Расіі Аляксандрам Лукашэнкам і Уладзімірам Пуціным па выніках пасяджэння ВДС, перадае карэспандэнт БЕЛТА.
Пасля цырымоніі падпісання дакументаў Аляксандр Лукашэнка адзначыў, што хацеў бы "ў сувязі з усталяванымі добрымі, братэрскімі адносінамі" ўзняць яшчэ адно пытанне. Яно, паводле слоў беларускага лідара, на самім пасяджэнні ВДС не абмяркоўвалася, але гэту тэму Прэзідэнт закрануў у час нядаўняга саміту АДКБ у Астане.
Чаму Лукашэнка папрасіў у Пуціна "Арэшнік"
"Пытанне вельмі сур'ёзнае, і лепш няхай гэта будзе адкрыта, чым потым будуць розныя канспіралагічныя падыходы, як і праблемы", - сказаў Аляксандр Лукашэнка.
Кіраўнік дзяржавы заявіў, што Беларусь вельмі непакоіць сітуацыя ў Заходняй Еўропе, асабліва паблізу беларускіх граніц з боку Польшчы і Літвы. "Мы ацэньваем гэта як небяспеку яшчэ большую, чым з боку ваюючай Украіны", - падкрэсліў ён.
Прэзідэнт звярнуў увагу, што ў непасрэднай блізкасці ад беларускай граніцы размяшчаюцца войскі Польшчы, Літвы, туды сцягваюцца ўзброеныя сілы НАТА з іншых дзяржаў, у тым ліку з Германіі. "Інакш кажучы, сітуацыя вельмі напружаная. Польшча траціць вялікія рэсурсы на ўзбраенне сваёй арміі. Калі яны хочуць у міры з намі жыць, як яны заяўляюць, навошта тады траціць мільярды долараў на ўзбраенне? - рытарычна запытаў Аляксандр Лукашэнка. - Словам, нас гэта вельмі насцярожвае. І гэта пагроза ўжо нашай сумеснай групоўцы (Саюзнай дзяржавы. - Заўвага БЕЛТА)".
У сувязі з гэтым Прэзідэнт звярнуўся да Уладзіміра Пуціна: "Я хачу публічна папрасіць вас, каб новыя сістэмы ўзбраення, і перш за ўсё "Арэшнік", былі размешчаны на тэрыторыі Беларусі. Гэта сур'ёзна супакоіла б некаторых, якія ўжо гатовы ваяваць супраць Беларусі".
Навошта Беларусі "Арэшнік"
На яго думку, такое размяшчэнне мэтазгодна і ў рамках прынятых нядаўна Канцэпцыі бяспекі і Дагавора аб гарантыях бяспекі ў СД. "У нас ёсць пэўныя месцы, дзе мы можам размясціць гэту зброю. З адной толькі ўмовай - што цэлі для гэтай зброі будуць вызначацца ваенна-палітычным кіраўніцтвам Беларусі. А пакуль вы нас навучыце карыстацца гэтай зброяй, калі гэта будзе зроблена (будзе прынята станоўчае рашэнне па размяшчэнні ў Беларусі. - Заўвага БЕЛТА), каб спецыялісты Расійскай Федэрацыі абслугоўвалі і ажыццяўлялі пускі па вызначаных цэлях баявымі зарадамі "Арэшніка". Вы гэта ўмееце рабіць, вы гэта прадэманстравалі нядаўна", - сказаў Аляксандр Лукашэнка.
Ён падкрэсліў, што гэта значна ўзмацніла б абарону Саюзнай дзяржавы і, вядома, беларускай тэрыторыі. "Нас папракаюць: ядзерная зброя, ядзерная зброя - размясцілі і гэтак далей. Гэта ("Арэшнік". - Заўвага БЕЛТА) не ядзерная зброя, але вельмі эфектыўная, - заўважыў беларускі лідар. - Яшчэ раз прашу вас разгледзець. Гэта была б добрая падтрымка не толькі маёй просьбы, але і беларускага народа".
У чым унікальнасць "Арэшніка"
Уладзімір Пуцін у сваю чаргу нагадаў, што па выніках пасяджэння быў падпісаны дагавор аб гарантыях бяспекі. Гэты дакумент вызначае ўзаемныя саюзніцкія абавязацельствы па забеспячэнні абароны Беларусі і Расіі з прымяненнем усіх існуючых сіл і сродкаў. "Менавіта таму мы пайшлі на тое, каб задаволіць запыт Рэспублікі Беларусь у размяшчэнні расійскай тактычнай ядзернай зброі", - сказаў Прэзідэнт Расіі.
Паводле слоў расійскага лідара, такія найноўшыя ракетныя сістэмы, як "Арэшнік", не маюць аналагаў у свеце. "Па дзвюх прычынах. Па-першае, гэта, у адрозненне ад зброі масавага знішчэння, высокадакладная зброя, яна б'е не па плошчах і дабіваецца рэзультату не за кошт сваёй магутнасці, а за кошт дакладнасці. Другое - у выпадку групавога прымянення аднаго, двух, трох комплексаў па сіле ўдару яна з'яўляецца такой жа, як ядзерная, але не заражае мясцовасць, не мае ніякіх радыяцыйных наступстваў, паколькі няма ніякага ядзернага кампанента ў баявой частцы гэтых ракет", - растлумачыў Уладзімір Пуцін.
Ці размесціць Расія "Арэшнік" у Беларусі
"Лічу размяшчэнне такіх комплексаў, як "Арэшнік", на тэрыторыі Рэспублікі Беларусь магчымым. Гэта стане магчымым, думаю, у другой палавіне наступнага года: па меры нарошчвання серыйнага выпуску такіх комплексаў у Расіі і па меры паступлення гэтых ракетных сістэм на ўзбраенне расійскіх войскаў стратэгічнага прызначэння. Гэтыя комплексы будуць паступаць на ўзбраенне ў РВСП (ракетныя войскі стратэгічнага прызначэння. - Заўвага БЕЛТА) Расіі і паралельна пачнём іх размяшчэнне на тэрыторыі Беларусі, - заявіў расійскі Прэзідэнт. - І, вядома, тут ёсць шэраг тэхнічных пытанняў, якія павінны быць вырашаны спецыялістамі, а менавіта вызначэнне мінімальнай далёкасці з улікам прыярытэтаў забеспячэння бяспекі Рэспублікі Беларусь".
Хто будзе кантраляваць "Арэшнік" у Беларусі
"Тут спецыялісты павінны папрацаваць, але, думаю, што такія магчымасці ёсць. З улікам таго, што на гэта спатрэбяцца мінімальныя затраты: у Беларусі засталіся пэўныя інфраструктурныя магчымасці яшчэ з часоў Савецкага Саюза. Таму размяшчэнне такіх комплексаў у Беларусі будзе звязана з мінімальнымі затратамі на падрыхтоўку інфраструктуры. І, зразумела, нягледзячы на тое, што яны будуць уваходзіць у комплекс РВСП Расіі, тым не менш вызначэнне аб'ектаў паражэння на тэрыторыі верагоднага праціўніка, безумоўна, будзе заставацца за ваенна-палітычным кіраўніцтвам Рэспублікі Беларусь. Гэта відавочна, я лічу", - сказаў расійскі лідар.
Гэтыя пытанні, паводле яго слоў, будуць абмеркаваны ў рабочым рэжыме. "Магу толькі адразу сказаць (спецыялісты гэта добра разумеюць): чым меншая далёкасць, тым большая моц баявой часткі", - дадаў Уладзімір Пуцін.
Аляксандр Лукашэнка заявіў, што яго вельмі задавольвае такі адказ. "Я скарыстаўся нашым сяброўствам у тым плане, што калі хочаце ад Пуціна нешта атрымаць, дабіцеся, каб ён публічна нешта паабяцаў", - рэзюмаваў беларускі лідар.-0-
Пасля цырымоніі падпісання дакументаў Аляксандр Лукашэнка адзначыў, што хацеў бы "ў сувязі з усталяванымі добрымі, братэрскімі адносінамі" ўзняць яшчэ адно пытанне. Яно, паводле слоў беларускага лідара, на самім пасяджэнні ВДС не абмяркоўвалася, але гэту тэму Прэзідэнт закрануў у час нядаўняга саміту АДКБ у Астане.
Чаму Лукашэнка папрасіў у Пуціна "Арэшнік"
"Пытанне вельмі сур'ёзнае, і лепш няхай гэта будзе адкрыта, чым потым будуць розныя канспіралагічныя падыходы, як і праблемы", - сказаў Аляксандр Лукашэнка.
Кіраўнік дзяржавы заявіў, што Беларусь вельмі непакоіць сітуацыя ў Заходняй Еўропе, асабліва паблізу беларускіх граніц з боку Польшчы і Літвы. "Мы ацэньваем гэта як небяспеку яшчэ большую, чым з боку ваюючай Украіны", - падкрэсліў ён.
Прэзідэнт звярнуў увагу, што ў непасрэднай блізкасці ад беларускай граніцы размяшчаюцца войскі Польшчы, Літвы, туды сцягваюцца ўзброеныя сілы НАТА з іншых дзяржаў, у тым ліку з Германіі. "Інакш кажучы, сітуацыя вельмі напружаная. Польшча траціць вялікія рэсурсы на ўзбраенне сваёй арміі. Калі яны хочуць у міры з намі жыць, як яны заяўляюць, навошта тады траціць мільярды долараў на ўзбраенне? - рытарычна запытаў Аляксандр Лукашэнка. - Словам, нас гэта вельмі насцярожвае. І гэта пагроза ўжо нашай сумеснай групоўцы (Саюзнай дзяржавы. - Заўвага БЕЛТА)".
У сувязі з гэтым Прэзідэнт звярнуўся да Уладзіміра Пуціна: "Я хачу публічна папрасіць вас, каб новыя сістэмы ўзбраення, і перш за ўсё "Арэшнік", былі размешчаны на тэрыторыі Беларусі. Гэта сур'ёзна супакоіла б некаторых, якія ўжо гатовы ваяваць супраць Беларусі".
Навошта Беларусі "Арэшнік"
На яго думку, такое размяшчэнне мэтазгодна і ў рамках прынятых нядаўна Канцэпцыі бяспекі і Дагавора аб гарантыях бяспекі ў СД. "У нас ёсць пэўныя месцы, дзе мы можам размясціць гэту зброю. З адной толькі ўмовай - што цэлі для гэтай зброі будуць вызначацца ваенна-палітычным кіраўніцтвам Беларусі. А пакуль вы нас навучыце карыстацца гэтай зброяй, калі гэта будзе зроблена (будзе прынята станоўчае рашэнне па размяшчэнні ў Беларусі. - Заўвага БЕЛТА), каб спецыялісты Расійскай Федэрацыі абслугоўвалі і ажыццяўлялі пускі па вызначаных цэлях баявымі зарадамі "Арэшніка". Вы гэта ўмееце рабіць, вы гэта прадэманстравалі нядаўна", - сказаў Аляксандр Лукашэнка.
Ён падкрэсліў, што гэта значна ўзмацніла б абарону Саюзнай дзяржавы і, вядома, беларускай тэрыторыі. "Нас папракаюць: ядзерная зброя, ядзерная зброя - размясцілі і гэтак далей. Гэта ("Арэшнік". - Заўвага БЕЛТА) не ядзерная зброя, але вельмі эфектыўная, - заўважыў беларускі лідар. - Яшчэ раз прашу вас разгледзець. Гэта была б добрая падтрымка не толькі маёй просьбы, але і беларускага народа".
У чым унікальнасць "Арэшніка"
Уладзімір Пуцін у сваю чаргу нагадаў, што па выніках пасяджэння быў падпісаны дагавор аб гарантыях бяспекі. Гэты дакумент вызначае ўзаемныя саюзніцкія абавязацельствы па забеспячэнні абароны Беларусі і Расіі з прымяненнем усіх існуючых сіл і сродкаў. "Менавіта таму мы пайшлі на тое, каб задаволіць запыт Рэспублікі Беларусь у размяшчэнні расійскай тактычнай ядзернай зброі", - сказаў Прэзідэнт Расіі.
Паводле слоў расійскага лідара, такія найноўшыя ракетныя сістэмы, як "Арэшнік", не маюць аналагаў у свеце. "Па дзвюх прычынах. Па-першае, гэта, у адрозненне ад зброі масавага знішчэння, высокадакладная зброя, яна б'е не па плошчах і дабіваецца рэзультату не за кошт сваёй магутнасці, а за кошт дакладнасці. Другое - у выпадку групавога прымянення аднаго, двух, трох комплексаў па сіле ўдару яна з'яўляецца такой жа, як ядзерная, але не заражае мясцовасць, не мае ніякіх радыяцыйных наступстваў, паколькі няма ніякага ядзернага кампанента ў баявой частцы гэтых ракет", - растлумачыў Уладзімір Пуцін.
Ці размесціць Расія "Арэшнік" у Беларусі
"Лічу размяшчэнне такіх комплексаў, як "Арэшнік", на тэрыторыі Рэспублікі Беларусь магчымым. Гэта стане магчымым, думаю, у другой палавіне наступнага года: па меры нарошчвання серыйнага выпуску такіх комплексаў у Расіі і па меры паступлення гэтых ракетных сістэм на ўзбраенне расійскіх войскаў стратэгічнага прызначэння. Гэтыя комплексы будуць паступаць на ўзбраенне ў РВСП (ракетныя войскі стратэгічнага прызначэння. - Заўвага БЕЛТА) Расіі і паралельна пачнём іх размяшчэнне на тэрыторыі Беларусі, - заявіў расійскі Прэзідэнт. - І, вядома, тут ёсць шэраг тэхнічных пытанняў, якія павінны быць вырашаны спецыялістамі, а менавіта вызначэнне мінімальнай далёкасці з улікам прыярытэтаў забеспячэння бяспекі Рэспублікі Беларусь".
Хто будзе кантраляваць "Арэшнік" у Беларусі
"Тут спецыялісты павінны папрацаваць, але, думаю, што такія магчымасці ёсць. З улікам таго, што на гэта спатрэбяцца мінімальныя затраты: у Беларусі засталіся пэўныя інфраструктурныя магчымасці яшчэ з часоў Савецкага Саюза. Таму размяшчэнне такіх комплексаў у Беларусі будзе звязана з мінімальнымі затратамі на падрыхтоўку інфраструктуры. І, зразумела, нягледзячы на тое, што яны будуць уваходзіць у комплекс РВСП Расіі, тым не менш вызначэнне аб'ектаў паражэння на тэрыторыі верагоднага праціўніка, безумоўна, будзе заставацца за ваенна-палітычным кіраўніцтвам Рэспублікі Беларусь. Гэта відавочна, я лічу", - сказаў расійскі лідар.
Гэтыя пытанні, паводле яго слоў, будуць абмеркаваны ў рабочым рэжыме. "Магу толькі адразу сказаць (спецыялісты гэта добра разумеюць): чым меншая далёкасць, тым большая моц баявой часткі", - дадаў Уладзімір Пуцін.
Аляксандр Лукашэнка заявіў, што яго вельмі задавольвае такі адказ. "Я скарыстаўся нашым сяброўствам у тым плане, што калі хочаце ад Пуціна нешта атрымаць, дабіцеся, каб ён публічна нешта паабяцаў", - рэзюмаваў беларускі лідар.-0-
Падпісвайцеся на нас у
