Сцяг Чацвер, 28 сакавіка 2024
Усе навіны
Усе навіны
Прэзідэнт
28 верасня 2018, 15:52

Пытанне бяспекі было цэнтральным на саміце СНД у Душанбэ - Лукашэнка

28 верасня, Душанбэ /Кар. БЕЛТА/. Пытанне бяспекі было цэнтральным на пасяджэнні Савета кіраўнікоў дзяржаў СНД, якое прайшло ў сталіцы Таджыкістана горадзе Душанбэ. Аб гэтым заявіў Прэзідэнт Беларусі Аляксандр Лукашэнка ў кароткім інтэрв'ю прадстаўнікам расійскага тэлебачання на палях саміту, паведамляе БЕЛТА.

"Пытанне бяспекі - гэта, можна сказаць, цэнтральнае пытанне сённяшняга саміту. Усе прэзідэнты аб гэтым гавораць. Нават мы, здавалася б, спакойная Беларусь, пастаянна аб гэтым гаворым, улічваючы яшчэ і тыя небяспекі і выклікі, якія тояць у сабе дзеянні заходніх дзяржаў і НАТА каля нашых граніц, каля граніц Саюзнай дзяржавы", - заявіў Аляксандр Лукашэнка.

"Дарэчы, мы ў такім канфідэнцыяльным парадку абмяркоўвалі гэту праблему з Уладзімірам Уладзіміравічам (Пуціным. - Заўвага БЕЛТА). Я не буду канкрэтызаваць, але асабіста мы размаўлялі менавіта па гэтым пытанні", - удакладніў Прэзідэнт.

Кіраўнік беларускай дзяржавы таксама адзначыў, што ў сферы бяспекі хапае для разгляду і іншых фактараў, у тым ліку ваенных."Вазьміце ў нас - аб гэтым шмат цяпер на саміце гаварылі, не адзін прэзідэнт. І я там аб гэтым гаварыў, і Нурсултан Абішавіч (Назарбаеў. - Заўвага БЕЛТА). Пытанні ўсходу Украіны, пытанні Прыднястроўя, асабліва Нагорнага Карабаха. Нам бы неяк сарганізавацца і рассекчы гэтыя гордзіевы вузлы. І многія іншыя", - сказаў беларускі лідар.-0-

Падпісвайцеся на нас у
Twitter
Топ-навіны
Свежыя навіны Беларусі