ДЗЯРЖОРГАНЫДЗЯРЖОРГАНЫ
Панядзелак, 20 студзеня 2020
Мінск Суцэльная воблачнасць +1°C
Усе навіны
Усе навіны
Прэзідэнт
10 мая 2019, 15:24

Прыняты дадатковыя меры для ўключэння ў гаспадарчы абарот невыкарыстоўваемай дзяржмаёмасці

10 мая, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў 10 мая ўказ нумар 169 "Аб распараджэнні дзяржаўнай маёмасцю". Дакумент прыняты з мэтай актывізаваць працэс уключэння ў гаспадарчы абарот невыкарыстоўваемай дзяржаўнай маёмасці. Аб гэтым БЕЛТА паведамілі ў прэс-службе беларускага лідара.

Указам прадугледжваецца павелічэнне растэрміноўкі аплаты кошту прадаваемых аб'ектаў з аднаго года да трох гадоў (па выбары пакупніка). Дазваляецца без правядзення папярэдніх аўкцыёнаў прадаваць нерухомую маёмасць на аўкцыёне па пачатковай цане, роўнай адной базавай велічыні, на ўсёй тэрыторыі Беларусі (акрамя абласных цэнтраў і горада Мінска).

У адпаведнасці з указам таксама прадастаўляецца магчымасць прадаваць аб'екты, вызначаныя для зносу, без перадачы пакупнікам зямельных участкаў (у выпадках, калі пакупнік зацікаўлены ў выкарыстанні атрыманых у выніку зносу матэрыялаў). Дакументам таксама ўрэгуляваны пытанні продажу арандаванай дзяржаўнай маёмасці фізічным асобам, якія займаюцца аграэкатурызмам і рамеснай дзейнасцю.

Для прастаты выкладання і даступнасці ўспрымання закладзеных ва ўказе норм зацверджана Палажэнне аб парадку распараджэння дзяржаўнай маёмасцю.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі