Мабільная версія
ДЗЯРЖОРГАНЫ

Апошнія навіны
ІНФАГРАФІКА: ID-картка беларуса
Учора 15:31 Стужка навiн
Усе навіны

Прэзідэнт зацвердзіў новы генплан развіцця Мінска да 2030 года

Прэзідэнт 15.09.2016 | 16:23

15 верасня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў указ, які прадугледжвае карэкціроўку генеральнага плана Мінска з прылеглымі тэрыторыямі і некаторыя пытанні яго рэалізацыі. Аб гэтым БЕЛТА паведамілі ў прэс-службе кіраўніка дзяржавы.

Асноўныя палажэнні новага плана горадабудаўнічага развіцця сталіцы да 2030 года актуалізуюць горадабудаўнічую палітыку тэрытарыяльнага развіцця і прагнозна-мэтавыя паказчыкі, уключаючы павелічэнне насельніцтва да 2 млн чалавек і жыллёвага фонду да 52 265 тыс. кв.м.

У новай рэдакцыі генеральным планам Мінска прадугледжваецца стабілізацыя колькасці насельніцтва і аптымізацыя аб'ёмаў жыллёвага будаўніцтва ў сталіцы ў рамках існуючай адміністрацыйна-тэрытарыяльнай мяжы горада, якая вызначана як мяжа перспектыўнага развіцця Мінска да 2030 года, а таксама з улікам чаканага дэмаграфічнага прыросту рассяленне 100-120 тыс. чалавек у гарадах-спадарожніках Мінска.

У адпаведнасці з генеральным планам будаўніцтва сацыяльна запатрабаванага жылля будзе прадоўжана на свабодных тэрыторыях. Комплексы жылой забудовы будуць стварацца на вызваляемых вытворчых тэрыторыях, а таксама на тэрыторыях зносу сядзібнай і малапавярховай забудовы з вялікім фізічным і маральным зносам.

Развіццё градаўтваральнай базы Мінска будзе забяспечвацца ў выніку захавання горадабудаўнічага патэнцыялу 4,4 тыс. га тэрыторый, занятых прадпрыемствамі горада. Рэзерваванне амаль 300 га вытворчых тэрыторый дасць магчымасць стварыць рабочыя месцы ў новых жылых раёнах Нотынгем і Зялёны бор.

У мэтах стварэння спрыяльных умоў для жыцця і здароўя насельніцтва генеральным планам запланавана будаўніцтва новых гарадскіх і раённых паркаў на плошчы больш як 2 тыс. га. У склад прыродна-ландшафтнага комплексу сталіцы будуць уключаны амаль 2 тыс. га лесапаркавых тэрыторый з паўднёва-ўсходняга боку Мінскага мора, што дасць магчымасць кампенсаваць дэфіцыт азялененых тэрыторый для жыхароў перыферыйных раёнаў горада.

Новая рэдакцыя генеральнага плана прадугледжвае фарміраванне эфектыўнай радыяльна-кальцавой структуры магістральных вуліц і дарог і ўдасканаленне сістэмы пасажырскіх зносін шляхам развіцця ўсіх відаў гарадскога і прыгараднага пасажырскага транспарту і стрымлівання ўсё большага аб'ёму перамяшчэнняў на легкавым аўтатранспарце.

Прыярытэтнае развіццё атрымаюць рэйкавыя віды пасажырскага транспарту: метро, трамвай і чыгуначны транспарт.

Указ таксама прадугледжвае распрацоўку горадабудаўнічага праекта спецыяльнага планавання на тэрыторыю, прылеглую да перспектыўнай гарадской мяжы да другой кальцавой аўтамабільнай дарогі вакол Мінска. Гэты праект вызначыць інтэнсіўнасць выкарыстання, функцыянальнае заніраванне, іншыя рэгламенты горадабудаўнічага асваення, парадак вядзення Мінскім аблвыканкамам і Мінскім гарвыканкамам горадабудаўнічай дзейнасці.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.